31 dicembre 1208

Breve papale di Innocenzo III che assicura la sua protezione agli Umiliati di Oriano

 

 

Fonti bibliografiche: G. TIRABOSCHI, Vetera Humiliatorum Monumenta, vol. II, 150, Milano 1776.

 

 

Innocentius Episcopus servus servorum Dei dilectis filiis fratribus ecclesie vallis Orlianensis salutem et apostolicam benedictionem.

Solet annuere sedes apostolica piis votis et honestis petentium precibus favorem benevolum impartiri.

Ea propter dilecti in Domini filii vestris iustis precibus inclinati ecclesiam ipsam de licentia bone memorie Philippi Archiepiscopi Mediolanensis constructam, in qua divinis estis obsequiis mancipati, sub beati Petri et nostra protectione suscipimus et presentis scripti patrocinio communimus.

Nulli ergo omnino hominum liceat hanc paginam nostre protectionis infrangere, vel ei ausu temerario contra ire.

Si quis autem hoc attentare presumpserit, indignationem omnipotentis Dei et beatorum Petri et Pauli apostolorum eius se noverit incursurum.

Datum Laterani secundo kalendas ianuari, pontificatus nostri anno undecimo.