16 gennaio 1217

Giovanni Grigori di Cassago anche a nome dei suoi fratelli rinuncia all'affitto dei terreni di proprietà della Chiesa di Monza, che teneva a massarizio in località prato Gambaliono

 

 

 

Biblioteca Ambrosiana, Codice NI 15 inf., fol. IIr. 

 

 

MCCXVII.

XVI die ianuarii finem et refutationem et omnis sui iuris cessionem et pactum de non peiorando et de non agendo fecit Iohannes Grigori de loco Caxiago pro se et pro omnibus fratribus suis in dominum archipresbiterum de Modoetia recipientem ad partem et utilitatem iamdicte ecclesie, nominative de omni iure et accessione et ratione quod et quam habebat vel habuit seu habere posset in peciis duabus prati que sunt pertice XX.

Prima iacet in territorio de Cremella et dicitur in prato Gambaliono cui est a mane ecclesia sancti petri de Cremella a meridie sancti Iohannis a sero et a monte sancti Petri de Cremella. Secunda est ibi prope a mane ipsarum ecclesiarum a meridie sancti Iohannis a sero et a monte Lafranchi de Cassago solidos VII tertiolum et tassas septem.

Et ibi statim dictus dominus archipresbiter investivit ad massaricium Curturanum de Orto recipientem ad partem et utilitatem Zanini de Orto fratris ipsius Curturani de ipso prato et ipsum fictum prestandum ut superius legitur.