1 gennaio 1247

Sopralluogo a Cremella dei canonici monzesi Lafranco da Melzate e Rugerio Pistato, che eleggono console, canevario e procuratore della corte. Sono presenti Beltramo e Mafiolo di Zizzanorre

 

 

 

Biblioteca Capitolare di Monza. 

 

Anno dominice incarnationis millesimo ducentesimo quadragesimo septimo, die martis primo die ianuarii, indictione quinta.

In platea de Cremella, convocata vicinantia illius loci de Cremella et omnium aliorum locorum totius castellantie et vicinantie loci de Cremella ad sonum campane more solitum, ad quamquidem vicinantiam accesserunt et convenerunt in unum Martinus de Rosa et Formentinus de Tornago et Iohannes et Ardigotus fratres qui dicuntur Castaldi et Martinus Zatus et Girardus filius quondam Iohannis lati qui dicitur de Carabella et Andrietus et Ianuarius fratres qui dicuntur Tabernarii et Ubertus qui dicitur Armus et Girardus qui dicitur Reatinus Zatus et Beltramus et Mafiolus fratres qui dicuntur de Sozanore et Paganus Scudellarius et Petrus filius quondam Trussi de Fossato et Guido Catenatius et Petrus de Codecarne et Beltramus de Barzago filius quondam Micherii et Brunellus Zatus et Albergatus de Codegore et Guilielmus qui dicitur Muttus et Bergomus qui dicitur Galdus fratres qui dicuntur de Orto et Peratus Belincasa et Stephanus qui dicitur Busus et Lafrancus qui dicitur Bonus et Iohannes et Arnaldinus fratres filii Tornaventi et Forzanus et Martinus fratres qui dicuntur de Monte et Stephanus de Monte et Iohannes Omizonus qui dicitur Maraia et Marchixius de Tornago et Guilielmus et Filipus qui dicuntur de Puteo et Airoldetus de Stella, omnes de loco Cremella et Omnes de loco Mardegore et Susanus de Bevera et Rubeus qui dicitur de Bevera, ambo de loco Omatus qui dicitur Rubeus de Pangenore filius ser Petri dominus Lafrancus de Melzate et Rugerius Pistatus, canonici ecclesie sancti Iohannis de Modoetia et nontii et procuratores et sindici dominorum archipresbiteri et capituli illius ecclesie et ipsius ecclesie, nomine ipsorum archipresbiteri et capituli ipsius ecclesie, ad honorem Dei et ad bonum statum loci et totius castellantie et vicinantie de Cremella, eligerunt et ordinaverunt in hoc anno presenti infradictos homines offitiales illius loci et totius castellantie et vicinantie de Cremella ad infrascripta offitia fatienda et exercenda; in primis eligerunt in consules dicto nomine hoc presenti anno ut superius dictum Andeloum de Fossato filium quondam Petri de dicto loco Cremella et Rugerium de Veirano de loco Mardegore; item eligerunt eodem modo, nomine et ordine ut predictum est, in canevarium predicti loci et totius dicte castellantie et vicinantie de Cremella Iohannem Castaldum de eodem loco Cremella; item, eodem modo, nomine et ordine, eligerunt in procuratores Girardum filium quondam Iohannis lati qui dicitur de Carabella de eodem loco Cremella et Petrum qui dicitur Pulrus de Bevera de loco Bevera et ipsis electis seu ordinatis ad predicta offitia predicti domini Lafrancus et Pistatus nomine iamdictorum dominorum et capituli dicte ecclesie fecerunt ipsos requirere per Zanetum portenarium nostrum seu servitorem ipsius loci et totius dicte castellantie et vicinantie de Cremella, per predictam ecclesiam constitutum, ut venirent adeius presentiam sub pena et hanno de solidis sexaginta tertiolorum pro quolibet, ad iurandum predicta offitia que omnia predicti omnes offitiales facete penitus recusavunt ibidemque et incontinenti et sub eisdem testibus dicti domini Lafrancus et Rugerius preceperunt dicto nomine dictis omnibus vicinis superius nominatis universis et singulis et cuilibet eorum suo nomine et nomine omnium aliorum locorum totius castellantie et vicinantie de Cremella ut statim iurarent sub predicta pena et hanno sequimentum predictorum consulum usque ad finem sui offitii, quod tacere similiter recusavunt; item predicto modo, nomine et ordine, predicti domini Lafrancus et Rugerius ordinaverunt et confirmaverunt et approbaverunt seu ratificaverunt omnia statuta et ordinamenta et convenientias hactenus facta et factas per dominos archipresbiteros et capitulum dicte ecclesie seu per ipsam ecclesiam vel per eorum nontium vel nontios. Item, eodem modo, nomine et ordine, predicti domini Lafrancus et Rugerius cassant et irritant et ad nihil deducunt omnes offitiales si quos fecissent de facto et non de iure et preceperunt dicto nomine predicti domini Lafrancus et Rogerius predictis omnibus vicinis universis et singulis et cuilibet eorum sub pena predicta et hanno de solidis sexaginta tertiolorum pro quolibet ne tacere presumant neque fatiant a modo per se nec per suos missos aliquos offitiales in predicto loco nec aliquo aliorum locorum totius castellantie et vicinantie de Cremella absque parabola vel conscientia predictorum dominorum archipresbiteriet capituli et dicte ecclesie et maxime contra honorem et districtum et iurisditionem dicte ecclesie de Modoetia.

Interfuerunt testes Lafrancus filius quondam Guidoti de Barzanore et Aron Guarengius filius quondam civitatis Mediolani et Iacometus filius quondam Guifredi de Ladeximo et Albertonus filius quondam Cavancius de Melzate qui ambo habitant in canonica de Modoetia et Crexius filius quondam ser Mussi de Dexio qui modo habitat in loco Torrexella et plures alii testes.

Ego Guifredus notarius filius ser Bonardi de burgo Modoetia hanc cartam tradidi et scripsi.