31 marzo 1169

Papa Alessandro III riconosce alla Chiesa di Monza la giurisdizione ecclesiastica su varie chiese fra cui quella di S. Gregorio a Oriano

 

 

Biblioteca Capitolare di Monza, Pergamene e privilegi papali. 

Fonti bibliografiche: A. FRISI, Memorie storiche di Monza e sua corte, Milano 1794, II, n. 68; V. LONGONI, Le corti medioevali dell'Alto Lambro, II, n.1, Lecco 1987. 

 

 

 

 

Alexander episcopus servus servorum Dei dilecto in Christo filio Oberto modoetiensi archipresbitero eiusque fratribus tam presentibus quam futuris canonice substituendis in perpetuum.

Piae postulatio voluntatis effectu debet prossequente compleri et ut devotionis sinceritas laudabiliter enitescat et utilitas postulata vires indubitanter assumat. Ea propter dilecti in Domino filii vestris iustis postulationibus clementer annuimus et ecclesiam beati Iohannis de Modoetia in qua divino mancipati estis obsequio ad exemplum predecessorum nostrorum beatae memoriae Calixti, Innocentis et Celestini et Anastasii romanorum pontificum sub beati Petri et nostra protectione suscipimus et presentis scripti privilegio communimus, statuentes ut quascumque possessiones quaecumque bona eadem ecclesia in presentiarum iuste et canonice possidet aut in futurum concessione pontificum, largitione regum vel principum, oblatione fidelium seu aliis modis Deo propitio poterit adipisci firma vobis vestrisque successoribus et illibata permaneat.

In quibus hec propriis duximus exprimenda vocabulis: ipsam videlicet ecclesiam sancti Iohannis Baptiste cum omnibus capellis suis videlicet ecclesia sancti Michaelis, sancti Salvatoris, sancti Petri, sancti Victoris, sancti Laurentii cum hospitali, sancti Alexandri de Blandino, sancti Martini, sancti Ambrosii, sancti Donati cum hospitali, sancti Fidelis et sancte Anastasie, in Osclavo sancti Christophori, ecclesia sancte Marie de Sirturi, in Sesto ecclesia Alexandri, sancti Salvatoris, sancti Michaellis, sancti Eusebii, sancte Marie de Teneblago et sancte Marie de Sundri, plebem sancti Iuliani de Colona cum omnibus capellis suis, videlicet in Albairate ecclesia sancti Martini, sancti Mauritii, in vico Modroni ecclesia sancti Remigii, in Coliate ecclesia sancti Carpophori et sancti Alexandri cum hospitali, in Concorezo ecclesia sancti Eugenii, in Vellate ecclesia sancte Marie et sancti Fidelis, in Cremella ecclesia sancti Sisinii et monasterium sancti Petri, confirmationem quoque electionis cremellensis abbatisse sicut bone memorie quondam Robaldo mediolanensis episcopo rationabiliter vobis concessa est et scripto suo firmata, ius etiam ac rationabiles consuetudines quas in eadem beati Petri ecclesia de Cremella habetis vobis pariter confirmamus, ecclesiam sancti Gregorii in Orliano, in Blotiano ecclesiam sancti Iohanni, sancti Georgii de Coltiaco, sancti Iohannis de Varena, sancte Marie de Sarra, sancti Petri de Sirone et sancti Iohannis de castro martis, decimam quoque totius territorii de Modoetia, decimam totius territorii de Sexto, decimatione de Teneblaco excepta, decimam totius territorii de Coliate, decimam de Concorezzo, decimam que provenit ex locis de plebe Colonie videlicet ex loco Colonie, ex loco Vimodroni et ex loco Albairate, principales etiam possessiones videlicet curiam Cremelle, curiam Bulciaci, curiam Varene, curiam Castrismartis, curiam Lauredi, curiam Calpunii, curiam de Velate, curiam de Leucate vobis et per vos ecclesie vestre nihilominus confirmamus, sane illa feudorum beneficia quae reverendae memoriae Iordanis quondam mediolanensis archiepiscopi vestre ecclesia in prenominatis ecclesiis ad communem fratrum sustentationem discrete vobis vestrisque successoribus, auctoritate apostolica roboramus prohibentes ut nulli omnino liceat ea deinceps a communi fratrum utilitate auferre, subtrahere vel modis quibuslibet immutare atque vestram praeterea et ecclesiae vestrae quietem institutiones et consuetudines confirmamus quae in ecclesia vestra vel capellis ad eam pertinentibus rationabili deliberatione quiete hactenus habita noscuntur. Prohibemus autem ut nullus infra parochiam vestram absque vestro assensu ecclesiam vel capellam hedificare praesumat.

Decernimus ergo ut nulli omnino hominum liceat prefatam ecclesiam temere perturbare aut eius possessiones auferre, vel ablatas retinere, imminuere aut aliquibus vexationibus fatigare, sed omnia integra conserventur eorum pro quorum gubernatione et sustentatione concessa sint usibus omnino modis profutura, salva apostolica sedis auctoritate et mediolanensis archiepiscopi secularisve persona hanc nostrae constitutionis paginam sciens contra eam temere venire temptaverit secundo tertiove commonita, si non satisfactione congrua emendaverit, potestatis honorisque sui dignitate careat reamque se divino iudicio existere de perpetrata iniquitate cognoscat et a sacratissimo Corpore ac sanguine Dei et domini redemptoris nostri Ihesu Christi aliena fiat atque in extremo examine dictrictie ultioni subiceat, cunctis autem vestrae ecclesiae iusta servantibus sit pax Domini nostri Ihesu Christi quatenus et hic fructum bonae actionis percipiant et apud districtum iudicem praemia aeternae pacis inveniant.

Amen.

Ego Alexander catholice ecclesie episcopus subscripsi.

Ego Aubaldus Hostiensis episcopus subscripsi.

Ego Bernardus portuensis episcopus subscripsi.

Ego Aubal presbiter cardinalis titularis sancte crucis in Ierusalem subscripsi.

Ego Iohannes presbiter cardinalis sanctorum Iohannis et Pauli titularis Pamachii subscripsi.

Ego Iacintus diaconus cardinalis sancte Marie in Cosmidin subscripsi.

Ego Huso diaconus cardinalis sancti Heustachii iuxta templum Agrippo subscripsi.

Ego Vitellus diaconus cardinalis sanctorum Georgii et Bachii subscripsi.

Ego Petrus diaconus cardinalis sancte Marie in Aquiro subscripsi.

Ego Teodinus presbiter cardinalis sancti Vitalis titularis Vestine subscripsi.

Datum Beneventi per manum Gratiani sancte romane ecclesie subdiaconi et notarii,

II Kallendis aprilis anno MCLXVIIII, pontificatus vero domini Alexandri PP. anno X.