19 maggio 1172

Carta libelli con citazione di Cassiago

 

 

 

Originale, ASMi, AD, pergg., cart. 433 [A]. Regesto, ASMi, Catalogo, V, fasc. 65.

 

Sul verso, di mano del notaio scrittore: Carta de decima de loco Castano, que fuit de Palliariis. Annotazioni tarde.

Il notaio scrittore inserisce il proprio nome nel signum.

Arialdo del fu Pietro che era detto Paliarius, di Milano, e sua moglie Desiderada danno a Corvo, preposito della canonica di S. Lorenzo di Milano, libellario nomine in perpetuo, la decima di loro pertinenza nel luogo di Castano, ricevendo lire trentadue di denari buoni milanesi terzuoli. Fideiussori Guglielmo Ferrarius e Lanterio detto de Affuri di Milano per cinque anni.

 

 

 

Anno dominice incarnationis milleximo centeximo septuageximo secundo, quartodecimo kalendas iunii, indicione quinta. Placuit atque convenit inter Arialdum, filium quondam Petri qui dicebatur Paliarius, de civitate Mediolani et Desideradam uxorem ipsius Arialdi, ipsi Desiderade consentiente suprascripto viro suo et una cum notitia propinquiorum parentum suorum, quorum nomina subter leguntur, a quibus interrogata et dilligenter inquisita est si super hoc contractu ullo modo aliquam vim patiatur an non, in quorum et testium presentia manifestavit se super hoc contractu nullam vim pati nisi sua bona et libere sponte hanc cartam visa facere, et etiam in eorum presentia manifestavit se bo|num habere consultum et bene securam esse de dote sua in alia parte super rebus ipsius viri sui, et ideo renuntiavit omni iuri, si quod habet, in infrascripta decima, necnon et inter dominum Corbum prepositum ecclesie et canonice Sancti Laurentii scite non multum longe a porta Ticinensi civitatis Mediolani infra fossata ipsius civitatis, ut in Dei nomine debeant dare sicut a presenti dederunt ipsi iugales eidem preposito ad partem et utilitatem ipsius canonice ad habendum et tenendum sine aliquo censu reddendo libellario nomine usque in perpetuum, hoc est generaliter totam illam decimam quam ipsi iugales habere videntur aut eis aliquo modo pertinet in loco et fundo Castano et in eius territorio; que decima solita est dividi ab alia decima quam ipsa canonica habet in suprascripto loco, quantacumque ipsa decima inveniri potuerit sicuti ipsi iugales habere et tenere visi sunt et habere et tenere debuerunt in integrum, ea ratione uti amodo in antea habere et tenere debeant ipse prepositus vel successores sive cui dederint ad partem et utilitatem ipsius canonice suprascriptam decimam ut supra legitur et facere exinde libellario nomine quicquid voluerint sine omni eorum eorumque heredum contradictione. Et promiserunt suprascripti iugales una cum eorum heredibus suprascriptam decimam ut supra legitur ab omni homine omni tempore de|fensare iure et ratione eidem preposito suisque successoribus seu cui dederint ad partem et utilitatem suprascripte canonice in penam dupli infrascripti pretii.

Insuper dedit guadiam ipse Arialdus eidem preposito et ad partem et utilitatem suprascripte canonice ita quod defendet et guarentabit una cum suis heredibus suprascriptam decimam ut supra legitur ab omni homine omni tempore, usu et ratione eidem preposi|to suisque suique successoribus seu cui dederint ad partem ipsius canonice in penam suprascriptam. Unde posuit fideiussores Guilielmum Ferrarium et Lanterium qui dicitur de Affuri de civitate Mediolani, qui se obligaverunt tantummodo de hiis discordiis que exinde apparuerint infra hos quinque annos proximos, ita quod possit convenire quisque in solidum. Et pro suprascripta decima professi sunt suprascripti iugales accepisse ab eodem preposito argenti denariorum bonorum Mediolanensium tertiolorum libras triginta et duas, ex quibus fuerunt libre quattuordecim de terra de loco Valnexio, quam emit Girus de Terramani ab ipsa ecclesia et libre quinque et solidi sedecim de terra vendita in loco Paule et Cassiago et solidi centum de fructibus ipsius ecclesie canonice, quos solidos centum dant annualiter pro restauratione iandicta quam olim | fecerunt, et solidi quinquaginta de terra vendita in loco et fundo Garbagniate; alii omnes fuerunt de denariis ipsius canonice. Quia sic inter eos convenit.

 

Actum in suprascripta civitate.

 

Signum + (f) manuum suprascriptorum iugalium qui hanc cartam ut supra fieri rogaverunt et suprascriptorum Guilielmi et Lanterii qui fideiussores extiterunt ut supra.

Signa + (f) manuum Lanterii qui dicitur de Affuri fratris suprascripte Desiderade et Nigri qui dicitur Osbergerii propinqui eius qui eam interrogaverunt ut supra, ad hanc cartam confirmandam manus posuerunt.

Signa + (f) manuum Petri Palliarii, Iohannis Monachi, Guilielmi Ferrarii, testium.

 

Ego Ariprandus iudex qui dicitur Corbus hanc cartam tradidi et subscripsi.

Ego Arnaldus Carentionus sacri palatii notarius hanc cartam scripsi.