marzo 1186

Papa Urbano III conferma alcuni privilegi del monastero di Pontida e ne elenca le terre ad esso soggette, fra cui Cassago

 

 

Archivio Storico di Milano, Bolle e Brevi, cart. 32. 

Fonti bibliografiche: M. LUPO, Codex diplomaticus civitatis et ecclesiae Bergomatis, Bergamo 1784-1799, vol. II, 1360; V. LONGONI, Torri e Campanili nella Pieve di Missaglia, Oggiono 1988, 170-172.

 

 

 

 

Urbanus episcopus servus servorum Dei dilectis filiis Guidoni priori Iacobi de Pontida eiusque fratribus tam presentibus quam futuris regularem vitam professis in perpetuum religiosam vitam eligentibus ...

Ea propterea dilecti in domini filii vestris iustis postulationibus clementer annuimus et prefatum monasterium sancti Iacobi de Pontida in quo divino mancipati estis obsequio ad exemplar felicis recordationis Urbani, Innocentii, Celestini atque Lucii, romanorum pontificum sub beati Petri et nostra protectione suscipimus et preaesentis scripti privilegia communimus.

In primis si quidem statuentes ut ordo monasticus qui secundum Dei et beati Benedicti regulam atque institutionem cluniacentium factam in eodem monasterio institutum esse dignoscitur perpetuis ibidem temporibus inviolabiliter observetur. Praeterea quascumque possessiones, quaecumque bona idem monasterium in presentiarum iuste et canonice possidet aut in futura concessione pontificium, largitione regum vel principium, oblatione fidelium seu aliis iustis modis praestante Domino poterit firma vobis vestrisque successoribus et illibata permaneant in quibus haec propriis duximus exprimenda vocabulis.

Locum ipsum in quo prefato monasterium situm est cum omnibus pertinentis suis. Unam capellam cum decimis et aliis pertinentiis suis. Ecclesiam sancti Zenonis in Prezate, sancti Georgii et sancti Alescii capellas cum decima et aliis pertinentiis suis, in Medolaco ecclesiam sanctae Mariae cum decima et aliis pertinentiis suis, in Poperenico cellam sancti Michaelis cum decima et aliis pertinentiis, in Marne ecclesiam sancti Bartholomey cum omnibus pertinentiis suis, in Morengo capellam sancti Iohannis de Rovedo, tertiam partem decime eiusdem loci et eam quae dicitur de Parevag, ius etiam quod bonae memoriae Gregorius episcopus Bergomensis in eadem ecclesia vobis pia concessione donavit totam villam Morenghi, castellum et curtem eius et quicquid ibi habetis sicut a quadraginta retro annis pacifice possedetis decimas et possessiones quas habetis in Carpeneto, in Curnu possessiones et capellam sanctae Iustinae cum decima et aliis suis pertinentiis, in monte Naso capellam sancti Georgii cum omnibus pertinentiis suis et decima eiusdem curtis quicquid habetis in circuitu eiusdem loci, quicquid etiam habetis tam ex donatione bonae memoriae Iohannis Laudensis episcopi quam ex vendictione vel etiam oblatione multorum fidelium sicut in eiusdem episcopi scripto autentico continetur, transactionem quoque inter vos et Guidonem de Cuziago et fratrum eius amicabili compositione facta sicut in instrumentis publicis continetur et ab utraque parte recepta est.

Vobis nihilominus auctoritate apostolica confirmamus. In Paterno capellam sancti Andree cum pertinentis suis et sancti Petri et sancti Iohannis ecclesias.

In Casago capellam sanctae Mariae cum decima et pertinentiis suis, sententiam quoque a bonae memoriae Guidone quondam Hostiense episcopo super predicta capella sanctae Mariae inter vos et clericos de Massalia canonica latam sicut in eius scripto continetur ab utraque parte recepta est et servata ratham habentibus. In Handenna capellam sanctae Mariae cum pertinentiis suis.

In Glarola, monasterium sanctorum Nazarii et Celsi cum pertinentiis suis, possessiones quas habetis in Arcii, iura quoque omnia et possessiones sive de feudis sive de aliis quae vel quas monasterium vestrum XL annis sine interruptione proprietario et libellario iure possidet et quorum vel quarum possessionem nunc habetis.

Privilegium insuper quod carissimus in Christo filius noster Fridericus romanorum imperator semper augustus super libellis conscriptis prescripto monasterio tradidit vobis vestrisque successoribus auctoritate apostolica confirmamus.

Sane novalium vestrorum quae propriis manibus aut sumptibus colitis sive de nutrimentis animalium vestrorum nullus a vobis decimas exigere vel extorquere presumat. Liceat quoque vobis clericos vel laicos a seculo fugientes liberos et obsolutos ad conversionem recipere et absque contradictione aliqua retinere.

Cum autem generale interdictum terrae fuerit liceat vobis clausis ianuas exclusis excomunicatis et interdicits non pulsatis campanis soppressa voce officia celebrare. Sepulturam preterea ipsius loci liberam esse decernimus ut eorum quoque devotioni et christianae voluntatis qui se illis sepeliri deliberaverint nisi forte exchomunicati vel interdicti iure nullus obsistat salva tamen iustitia illarum ecclesiarum a quibus mortuorum corpora assumantur. Decernimus ergo ut nulli omnino hominum ... praemia aeternae pacis inveniat, amen.

Anno Domini MCLXXXVI, VII kalend. marzii, indictione quarta.

Datum Veranae per manum Trascendili sanctae Romanae ecclesiae notarii.