2 luglio 1549

Testamento di Filippo Maria Pirovano figlio di Bartolomeo, in cui sono citate le sue proprietà alla Costa a Cassago

 

Archivio Visconti di Modrone, fald. I-131, Eredità, Pirovano diversi.

 

 

In Nomine Domini anno à Nativitate eiusdem millesimo quingentesimo quadragesimo nono, indictione septima die martis secundo mensis Julij. Cum vita et mors in manu dei omnipotentis sint, melius quae sit sub metu mortis vivere, quam sub spe vivendi ad mortem subitaneam pervenire, Idcirco Ego in Dei Nomine Philippus Maria Pirovanus filius quondam Magnifici P. V. Doctoris Domini Bartholomei Portae Vercelinae Parochiae Sancti Victoris ad Theatrum Mediolani sanus mente, et bonae memoriae licet corpore languens nolens intestatus decedere per hoc meum praesens testamentum facere procuravi quod quidem volui et volo valere iure testamenti nuncpativi, et si eo iure non valeret ac volui, et volo valere, et tenere ac iure codicillorum, et si eo iure non valeret ac volui, et volo valere iure donationis causa mortis, seu post mortem, quam feci, et facio tibi notario ac stippulanti ac nomine, et vice partem, et utilitatem infrascriptorum legatarium et haeredum meorum et cuiuslibet alterius persone et si eo iure non valeret, item volui et volo valere ac iure cuiuslibet meae bonae, et ultimae voluntatis ac omnibus alijs melioribus modis. Inprimis recomando me, animaque meam Omnipotenti Deo. Item omnibus modo et caso et testamentum alias per me conditum de quo rogatum fuit Instrumentum per Dominum Galeaz de Riboldis Mediolani notarium in territorio Pandini et quaecumque alia Testamenta, codicillo, etiam si in eo, seu in eis adessent aliqua derogatoria et de quibus hic oportet spezialem facere mentionem, quoniam me penituit et hoc meum praesens testamentum caeteris prevalere. Item volo quod si post meum decessum reperientur aliqua male oblata in me quovis modo pervenisse quod reddantur. Item aggravo infrascriptum haeredum meum et successores suos ad adimplendum omnia legata facta per praefatum Dominum Patrem meum in eius testamentum rogato per Dominum Paulum de Robiate mediolani notarium anno et hoc respectu medietatis mihi tangentis tantum. Item volo, statuo et ordino quod infrascriptus haeres meus teneatur erogare amore Dei illis pauperibus nominandis per infrascriptam uxorem meam scuta viginti tres auri alias mihi data per Andream de Triultio.

Item lego, et indico haeredem Dominum Andreae de Landriano scuta sex auri eidem danda et solvenda per infrascriptum haeredum infra annos quinque meum decessum proxime sequenti. Item lego et indico haeredem quondam Petri Marellae in Xsna scuta decem auri, Item haeredem Francisci Polastri scuta quinque auri, se reperiantur et ubi non reperientur volo dari amore Dei per infrascriptum haeredem meum infra annos quinque meum decessum proxime sequentos. Item lego et indico Capitulo Ecclesiae Maioris Mediolani libras centum quinquaginta Imperiales sibi dandas per infrascriptum haeredem meum infra annos quattuor meum decessum immediate sequentos pro omni et toto eo, quod per praefatum Capitulum seu aliter mihi testatori, et super Haereditate et bonis meis petere poterant qualibet causa et occasione. Item lego et indico haeres meus quondam Jo:Antonii de Cutius libras nonaginta sex imperiales quas asserunt per me eis deberi, licet credam soluisse, quod si reperiantur solutae, tamen volo eis ipsas libras nonaginta sex Imperiales eis dari amore Dei, et in remedio animae meae.

Item lego et indico filiabus Domini Hieronimi Pirovani patruelis mei libras sexcentum Imperiales tempore quo maritabuntur debite refferendo cum hoc quod ipse Dominus Hieronimus nihil aliud petere nec consequi possit super haereditatem et bonis meis quacumque ex causa licet credam me esse eius Domini Hieronimi creditorem. Item lego et indico Scolae Corporis Domini Nostri Jesu Christi in Ecclesia sanctae Margaritae de Pandino libras centum Imperiales eidem dandas et solvendas per infrascriptum haeredem meum in annis quattuor dicti obitus mei immediate sequenti ad ratam omni anno. Item lego, indico fabricae dictae Ecclesiae Sanctae Margaritae libras viginti quinque Imperiales sibi seu agentibus pro ea dandas et solvendas per infrascriptum haeredum mem infra annos quinque meum decessum proxime sequenti in remedio et mercede animae meae. Item agravo infrascriptum haeredem meum ad celebrari faciendum missam unam singulo die in Ecclesia Sancti Victoris ad Theatrum Mediolani iuxta formam legati quondam Genitoris mei et ordino per spetiale pignus obligari et obligo directum dominium et fictum libellarium librarum LXXV imperialium in anno quod mihi testatori praestatur per haeredes quondam Domini Jo:Petri de Littis super certis bonis sitis in territorio Bonegij virtute instrumentorum superinde confectorum.

Item lego et indico Catharinae de Tuneto servae meae seu uxoris meae libras ducentum Imperiales sibi dandas et solvendas per infrascriptum haeredem meum quotiescumque voluerit maritare aut religionem intrare voluerit et non aliter. Item lego et indico duabus filiabus Angelina de Cocorta Massariae meae in Tabiago libras quinquaginta imperiales pro utraque earum tempore quo maritabuntur solvendas per infrascriptum haeredem meum. Item volo, statuo et ordino ac iubeo et mando quod remittantur Simoni de la Costa massario meo illam summam pecuniarum et ex de credito quod ego testator habeo cum ipso Simone, quam dixerit sibi remitti super onus conscientiae suae. Item lego et indico Tognino de Giovenzana si vivet, libras centum Imperiales sibi ipsi tantum et non haeredibus suis dandas per infrascriptum haeredem meum post meum decessum. Item lego et indico Cristinae de Giovenzanae filiae quondam Francisci libras quinquaginta Imperiales tempore quo maritabitur dandas et solvendas per infrascriptum haeredem meum. Item volo quod si filius et haeres suprascripti Francisci de Giovenzana hinc ad annos quindecim proxime future et immediate sequentes diem obitus mei voluerit redimere omnia bona quae ego possideo in loco et territorio de Giovenzana, quae fuerunt dicti quondam Francisci tam mihi vendita quam apprehensa vigore caducitatis, et pro fictis libellarijs debitis, quam aliter, quod hoc sibi liceat, ipso tamen solvente tam capitalia pretia, quam ficta libellaria debita, pro quibus apprehensa fuit aliqua pars eorum bonorum et non aliter et in una vice tantum.

Item lego et indico et iure institutionis relinquo Magnificae Dominae Helenae Triultiae uxori meae usufructum et gaudimentum omnium et singularum bonorum meorum, quae habeo et die obitus mei relinquam et hoc absque alique alia ratione redenda, cautione, vel satisfactione praestanda de eis meis bonis utifruendo, ac gaudendo, à quibus omnibus et singulis praefatam Dominam Uxorem meam relevavi et relevo, ac liberavi et libero ita quod non solum alimenta sed omnem et integrum usufructum et gaudimentum dictorum omnium bonorum meorum habeat ipsa Domina Uxor mea. Et haec omnia ipsa Domina Helena stante et permanente in habitu viduali, et lectum et honorem meum et suum honeste custodiente, et non aliter ita tamen quod teneatur, durante dicto usufructu praestare alimenta condecentia infrascripto filio et heredi meo. Et ubi aliquiter ipsa uxor mea molestaretur in dicto usufructu et cogeritur de iure aliquo modo praestari fideiussionem tam de restituendis bonis finito usufructu quam aliter, in eo casu agravo infrascriptum haeredem meum ad fideiubendum pro ea. Item lego et indico appellato el Papa habitante Osnaghi plebis Massaliae libras quinquaginta Imperiales sibi dandas et solvendas per infrascriptum haeredem meum infra annos tres meum decessum proxime et immediate sequenti. Et quae omnia legata superius per me facta excepto legato usufructus facto uxori meae solvantur ex reditu quem ego testator percipio ab Imperiali Camera ad computum librarum ducentum quattuor imperialium in anno super datio macinae ordinariae Mediolani.

In omnibus autem alijs meis bonis mobilibus et immobilibus, rebus, Juribus, cartis, creditis et nominibus debitorum, quae habeo et die obitus mei relinquam institui et instituo mihi haeredem universalem ore meo proprio nominando et nominavi et nomino Joannem Franciscum Pirovanum filium meum legitimum ex praefate Domina Helena uxore mea cum hoc declaratione et conditione, quod si dictus filius et haeres meus decederet sine filijs masculis legitimis et de legitimo matrimonio natis, procreatis, ita quod legitimati non possint succedere in haereditate et bonis meis, nec aliqua parte eorum quod eo casu medietas dictorum haereditatis et bonorum meorum perveniat et pervenire debet in filios masculis dictae D. Laurae filiae et non aliter et eo in casu eos filios masculos dictae filiae meae institui et instituo haeredes meos in dicta modietate. Item prohibeo hoc meum presens testamentum rubricari aut registrari me vivente non obstans statutum.

Et de predictis ipse testator rogavit me Beltraminum de Gluxiano notarium infrascriptum ac notum et cognitorem ipsius testatoris ut publicum conficiam instrumentum etiam de capitulo in capitulum, pro ut expediens fuerit tenore tamen eiusdem.

Actum in domo habitationis praefati Domini testatoris sita in Camera Cubiculari ut supra coram Fernando Gluxiano filio mei notarij infrascripti Portae Oriantalis Parochiae sanctae Babilae intus Mediolani et Jo:Baptista de Barberijs filio Domini Gulielmi Portae Ticinensis Parochiae Sancti Vincentij in Prato intus Mediolani protonotarij ac notis et cognitores praefati Domini Testatoris rogati. Testes Dominus Paulus de Varisio filius quondam Domini Antonij, Dominus Baptista de Blanchis filius Domini Jacobi Antonij, Joannes Antonius Cattaneus filius Domini Francisci, Dominus Clemens Cattaneus filius Domini Ambrosij, omnes Portae Vercellinae Parochiae sancti Victoris ad Theatrum Mediolani et Dominus Joannes Petrus de Mozanica filius Domini Nicolai habitans Castri Caravagij Glareae Adbuae Duabus Mediolani omnes noti, et cognitores prefati Domini testatoris idonei, vocati et rogati.

Ego Joseph Caratus publicus Apostolica Imperialique Auctoritatibus Mediolani notarius filius Causidici Domini Francisci Portae Ticinensis Parochiae sancti Alexandri in Zebedia Mediolani habens auctoritatem mihi concessam ab Egr. Domini Abb. V. de Collegij DD. Notarii Mediolani virtute ordinat dicti 18 Januarij 1672 explendi quae Instrumenta recepta per nunc quondam Beltraminum Glusianum alias publicum notarium Mediolani suprascriptum Instrumentum testamenti ab eius abbreviatis fideliter extractum edidi, attestorque adhesse in originale subscripta à statutis requisitas et pro fide me subscripsi hac die Jovis secunda mensis Julij 1686.