14 novembre 1567

Resoconto della visita pastorale di Padre Leonetto Clivone a Cassago

 

Archivio Curia di Milano, Pieve di Missaglia, vol. 40.

 

 

In Nomine Domini anno a nativitate eiusdem millesimo quingentessimo sexagesimo septimo Indictione Undecima die mercurij quintodecimo mensis octobris Multus reverendissimus Aurisconsultus dominus leonetus de Clivone recotr societatis Christi in Civitate mediolani et Visitator deputatus per illustrissimum et Reverendissimum dominum mediolani Archiepiscopum in executione dicte Comissionis Accessit ad terram Missalie capitis plebis Ducatus mediolani causa visitandi Preposituram et plebem Missalie et peractis et videlicet Visitavit Ecclesiam sacratam parachialem Prepositure sancti Victoris Missaliae et in primis sacratissimam eucharestiam supra maiori altari in tabernaculo nuceo sine drapo intus serico, sed aderat tabernaculum Auricalchi auratum cum hostia magna ... ... Cremella Schola Corporis domini non est et doctrina Christiana non docetur, sed quondoque facit verbum populo in celebratione missae. Repertum fuit cadaver intramurum in fossa occisum et quia fides non erat confessum, fuisse latronem et a carceribus aufugisse, ordinavit cadaver sepeliri extra sacratam pro brachia duo vel circa. librum baptismatum fieri et alia contenta in ordinationibus generalibus. Adest Monasterium Sancti Benedicti monalium in dicta terra Cremelle.

Adest Capella extra terram Cremelle cum altari aperta et cooperta. ordinavit altare destrui.

 

Cassago 

Die suprascripto visitavit ecclesiam parochialem sanctorum Jacobi et Cristofori Cassaghi in qua Sacramentum non est tamen est tabernaculum ligneum super altare pro servanda eucharestia in quo brevi servare velle dixit parochus. Sanctuarium est a dextris Altaris sub Bredella lignea et est clausum. Olea sacra sunt in tribus vasibus plumbeis coniunctis. Liber Baptismatum et matrimoniorum adest iuxta forma ordinationum generalium. Sanctorum reliquiae non sunt.

Ecclesia est satis pulchra et partim picta longa bracia 15 lata 10 tegulis tantum cooperta et pavimento solata, Sacristia non est, Campanile non est sed tantum pilastrellum super domum vicini ecclesie contiguam quae domus dicitur turris et ibi est campanella quae pulsatur pro fune que trahitur ab ipso pilastrello per transeundo tectum usque et supra Curiam usque domus suprascripta usque ad Cimiterium a quo Cimiterio parochus vel Clericus pulsat ipsam Campanellam. Cimiterium est partim Clausum et partim apertum. Et ibi est Capella Sancti Rochi cum Altari aperta et cooperta, sed ibi non celebratur. Redditus non est, paramenta vero descripta sunt in infrascripta lista videlicet.

Ecclesia paramenta sancti Jacobi Cassaghi. Altaria sunt duo videlicet maius sub capella magna pulchra picta fornicata ornata cum duobus columnis siliceis ante fornicem sustinentibus.

Altare sanctae Marie est a sinistris ecclesie inornatum, sive Bredella, discoopertum, sine paramentis et sine redditu. Domus ecclesie est contigua et habet quatuor loca videlicet duo inferiora et totidem superiora cum Curia et Hortulo, in qua habita solus Presbiter Jo:Antonius Brambilla Rector dicte ecclesie cui dant homines dicte terre Lire 80 imperialium singulo anno pro dicta Rectoria exercenda ex eorum devotione. Supra Cimiterio adest capelle Sancti Rochi aperta cooperta cum altari, sed ibi non celebratur, sed non est obligatio. Animae que sumunt sacramentum sunt 150 vel circha et omnes sunt Confessi. Schola Corporis domini adest et parochus Docet Doctrinam Christianam diebus festivis post prandium. Ordinavit quod altare Sancte marie aptetur iuxta forma ordinationum generalium servetur sacratissimum sacramentum eucharestie attamen quod homines parati sunt ad expensas faciendas.

Fiat pixis, cimiterium totum claudatur. Amoveatur sanctuarium a loco ubi est de presenti et alibi fiat Iuxta ordinationes. Fiat campanile vel saltem pilastrum supra pariete ecclesie ibique ponantur campane. Fiat baptisterium. Claudatur Capella Sancti Rochi, vel destruatur altare. Fiat sacrastia.

 

Oriano

Die infrascripto visitavit ecclesiam parochialem Sancti Gregorij Orliani in qua non est sacramentum nec olea sacra nec alia parochiali ecclesie necessaria, quia parochus huius ecclesie est parochus ecclesie Cassaghi suprascripti propter vicinitatem utriusque ecclesie per quatrum miliarij et quis redditus non est pro alendo sacerdotem, sed modium quod ex eorum devotione dant homines orliani suprascripto parocho pro administratione sacramentorum.

Ecclesia est antiqua longa brachia 11 lata 9 cooperta cupis tantum, pavimentum antiquo solata, adest pilastrellum cum campanella supra portam ecclesie, sacrastia non est, Cimiterium est magnum et apertum. Altaria sunt duo videlicet maius in Capella fornicata, picta crate lignea clausa sine bredella. Aliud sine nomine, sine redditu etsine paramentis et a dextris in Introitu ecclesie.

Paramenta deripta sunt in infrascripta lista videlicet. Paramenta parochialis ecclesie sancti Gregorij de orliano. Domus ecclesie non est. Anime que sumunt sacramentum sunt 50 vel circa et omnes Confessi. Schola Corporis domini non est, nec Docetur Christiana doctrina, quia Parochus suprascriptus facit in ecclesia Cassaghi.  Ordinavit quod Altare sine nomine voltatur et non celebretur in dicta eclesia nisi aptetur Altare. Claudatur Cimiterium et nil aliud ordinavit quia videtur unienda hac ecclesia cum suprascripta Cassaghi ecclesia.