7 maggio 1442

Gli uomini di Cassago, congregati dai consoli in carica presso l'abitazione di Leone de Perego, approvano una serie di provvedimenti e di patti per far fronte alle minacce di Vincenzo de Vegis commissario del Monte di Brianza per frodi, contrabbando e mancato ritiro del sale

 

 

Archivio Storico di Milano, Archivio Notarile, cart. 646, notaio Cristoforo Quartironi. 

Fonti bibliografiche: V. LONGONI, Torri e campanili nella Pieve di Missaglia, Oggiono 1988.

 

 

 

MCCCXL secundo indictione quinta die lune VII mensis maii, in domo in qua habitat Leo de Perego sita in loco Cassago plebis Massalie ducatus Mediolani ibidem convocata et congregata vicinantia comunis et hominum et singularum personarum universitatis dicti loci de Cassago de mandato et impositione Iacobini dicti Bolpini de Nava filii quondam Iohannis et Zanis de Cazaniga filii quondam Bertini habitantium in dicto loco Cassago, consulum et ofitialium comunis et hominum et singularum personarum et universitatis dicti loci de Cassago in qua quidem convocatione et congregatione adderant fuerunt et sunt infrascripti consules et cum eis:

 

dominus Iacobus de Ysachis filius quondam domini Thome,

Antonius dictus Paynus de Cassago filius quondam Guilielmi,

Antonius dictus Canalus de Casteleto filius quondam Iohannis,

Antonius dictus Gardiazinus de Cassago filius alterius Bolpini,

Antonius dictus Tassus et Iodes fratres de Nava filii Iacobini,

Antonius de Cazaniga filius quondam Bertini,

Iohanninus dictus Gelsus de Sirono filius quondam Ambrosii,

Gasperus dictus Parus et Iohanninus fratres de Barsago filii Dominici dicti Moreti,

Togniuanus de Sapis filius quondam Guidoti,

Iulianus de Sapis filius quondam Pagani,

Iohanninus de Madio filius quondam Steffanini,

Iacobinus, Favinus, Belinus, Antonius et Iohannes dictus Musmulus fratres de Brembilla filii quondam Petri,

Petrinus et Christoforus de Sapis filii quondam Petri dicti Bolagini,

Lodoychus de Silva filius quondam Antonii,

Petrus et Antonius fratres de madio filii quondam Antonii dicti Cavaloni,

Iohannes de Merono filius quondam Margii,

Iohannes dictus Bresanis de Sedrina filius quondam Petri,

Georgius de Anono filius quondam Vitalis,

Christoforus de Clusono filius quondam Ambroseti,

Girardus de Clusono cum Christoforo filio eius,

Leo de Perego filius domini Vanini,

omnes habitantes in dicto loco seu vicinantia de Cassago plebis Massalie ducatus Mediolani, faciunt et qui representant totam et integram universitatem loci predicti seu vicinantie de Cassago et dicti communis, de voluntate et consensu dictorum vicinorum superius nominatorum et cuiuslibet eorum et dicti vicini superius nominati de voluntate et consensu dicti communis, omnes unanimiter et concorditer, nemine eorum discrepante ... (omissis) ... fecerunt, constituerunt et ordinaverunt et faciunt, constituunt et ordinant Thonium de Ysachis, Iacobum de Nava et Zanem de Cazaniga et quemlibet eorum in solidum suos certos sindicos, missos, nuntios et procuratores et quicquid melius de iure dici et esse possit, specialiter et expresse ad comparendum, sindicario nomine, coram spectabili legumdoctor domino Vicentio de Vegiis, ducali vicario generali et comissario Martesane, MontisBrianzie, plebis Inzini ac lacum Cumarum, et ad promitendum et obligandum ipsi domino ac eius notario et canzelario stipulantibus et recipientibus nomine prelibati domini nostri sueque camere sese et dictum comune et homines ac quaslibet singulares personas dicti comunis in solidum et omnia eorum dicti comunis et aliorum vicinorum et cuiuslibet singularis persone dicti communis in solidum bona pignori presentia et futura ita ut quelibet eorum ac dictum comune et homines et quelibet singularis persona de dicto comuni teneantur in solidum et cum effectu et in solidum conveniri possit renontiando ... quod perpetuo erunt fidelles subditi prelibati domini nostri suisque mandatis ac suorum ofitialium nec non dominorum comissariorum supra frosationibus bladorum et salis ac ordine qui per tempora erunt et deputabuntur et ipsius domini ducali vicarii generalis ac comissarii et quorumcumque capitaneorum Martexane qui per tempora erunt parebunt et se se presentabunt personaliter totiens quotiens fuerint requisiti vel ad domum eorum solitorum habitatorum per nuntium vel proclama in dicto comuni et locis eiusdem vel in civitate Mediolani seu locis consueti fieri proclamationes per capitaneum Martexane. Salvo et reservato quod ad evitandam penam huius inobedientis tantum sufficiat dicto comuni et hominibus et singularibus personis et nobillibus dicti comunis quotiens fuerint requisiti consignare bona mobillia tallis inobedientis et ipsa in dicto comuni et finibus extabunt et denuntiare talli offitiali cuius mandata fuerint in contemptum deducta omnia bona immobilia sita in eorum communi et finibus ... Et de levando et quod levabunt ex gabella illustrissimi domini ducis nostri Mediolani singulo anno et in terminis debitis eorum taxam sallis dicto comuni et hominibus spectantem alioque salle ex salle prelibati domini nostri non utentur nec aliquam quantitatem sallis frosati neque bladorum, leguminum vel farine contra ducales ordines conducent nec conduci permitent per teritorium et fines dicti comunis neque per terram ipsam nec conducentibus contra ordines tam editos quam edendos auxilium, consilium, opem et favorem dirrecte nec per indirectum tam per terram quam per aquam prebebunt neque prestabunt sese quam cerchare permitent et patientur in eorum domibus et alibi per ducales offitiales vel datarios sallis et supra frossationibus bladorum vel leguminum qui per tempora erunt iuxta ducales ordines tam editos quam edendos ...

Actum ut supra presentibus Baptista de Arigonibus filio Iohannis, Antonio de Panzeris filio Zaneti habitantibus in loco Barzanore notariis.

Testes Betinus dictus Maza de Cazaniga filius Mertini habitans in cassinis de Sisanore, Petrus de Regibus de Hello filius Iacomoli habitans in loco Renate, Antonius de Cumis filius Ambrosini habitans in loco Camagiascha plebis Inzini, noti et idonei.