4 novembre 1454

Francesco Sforza duca di Milano riconosce il pieno possesso del priorato di Pontida al cardinale commendatario Pietro Barbo, futuro papa Paolo II (1417-1471), succeduto al priore Giovanni Scaccabarozzi e rinnova le esenzioni e le immunità per i possessi di Montanaso, Cassago, Osnago e Paderno situati nel ducato di Milano.

 

 

Archivio Storico di Milano, Diplomi e Dispacci Sovrani, I, fil. 9 n. 2. 

Fonti bibliografiche: Mazzucotelli Mauri, Il fondo pergamenaceo di Pontida, in il monastero di Pontida tra Medioevo e Rinascimento, Atti della giornata di studio Pontida 16 novembre 1991, Bergamo 1994, 126-129. 

 

 

 

Franciscus Sforcia Vicecomes dux Mediolani etc. Papie Anglerieque comes ac Cremone comunis.

Iamdudum ut accepimus monasterium de Pontida ordinis cluniacensis et diocesis bergamensis predia et possessiones in territorio nostro mediolanensi et laudensi habuit que calamitatibus bellorum satis contrite erant. Insuper etiam per quosdam de Scacabarociis distracte erant et occupabantur quibusdam pretensiis sententiis et arbitramentis aut locationibus intervenientibus per quendam assertum priorem de Scacabarociis tradite et ipotecate sive in pignis date titulo etiam locationis prout de predictis publicis instrumentis constare dicebitur quorum tenores hic haberi voluimus pro suficienter expressis. Contigit postmodum de ipso prioratu per sanctissimum dominum nostrum papam reverendissimo in Christo patri et domino Petro Barbo miseratione divina tituli sancti Marci cardinali veneto in commendam provideri pro quarum possessionum recuperatione dum per nuncios domini cardinalis contra illos de Scacabarociis sepius alias longa controversia et contentio et demum apud nos et in nostra curia diu agitata fuisset. Nos cognoscentes secundum ius et honestatem ipsas possessiones ad ispum monasterium et verum dominum pertinere et de iure debere reverti concordiam et compositiones suasimus que tandem inter predictas partes sicuta est scilicet solutis nomine ipsius cardinalis etprioratus illis de Scacabarociis ducatis quingentis ipsis de Scacabarociis ipsas possessiones liberas et expeditas cum omnibus iuribus et instrumentis suis ipsi prioratui restituerent. Et attendentes renunciationem post ipsam compositionem per ipsos de Scacabarociis animo libero et quieto factam et solemniter per Symonem de Burgoronibus notarium etc. in publicam formam redactam ipsas compositionem et renunciationem approbavimus et cum pelna notitia et cause cognitione approbamus per presentes perpetuumque ipsis de Scacabarociis silentium imposuimus et imponimus per presentes ne amplius bona predicta vel alia eius prioratus occupare seu molestare valeant premissa vel alia quacumque causa vel colore. Et hoc facimus quoniam iusticie et equitati sic consonum videbatur. Ad hec nos etiam compulit ipsisus domini cardinalis benevolentia ut igitur de possessionibus ipsius libere disponi possit per ipsius reverendissimi domini cardinalis nuncios et ipsius prioratus nomine quantum ad nos spectat libere concedimus ut liceat ipsis reverendissimo domino cardinali et cuicumque eius nuncio et mandatario possessiones ipsas propria auctoritate apprehendere et in earum corporalem possessionem et tenutam intrare et ex nunc eo in corporali possessione esse et illas apprehendisse et fructus percipere posse decernimus. Mandantes omnibus officialibus nostris quacumque vocabulo noncupentur ubicumque locorum ut hoc nostrum mandatum executioni mandent et inviolabiliter observent ac observari faciant cum effectu, similiter laborantibus sue massariis et affictuariis predictarum possessionum ut de fructibus et redditibus et affictibus et aliis consuetis predictis nunciis Reverendissimi Domini Cardinalis sive prioratus respondere debeant. Insuper etiam locare quo maluerint locationis titulo etiam si in emphiteosim perpetuam locari contingat predictas possessiones seu bona licentim auctoritatem et potestatem quantum ad nos spectat concedimus non obstantibus quibuscumque ordinationibus et decretis illustrissimorum predecessorum nostrorum quondam ducum et principum in contrarium facientibus et prohibentibus immobilia bona ecclesiarum in perpetuum concedi aut ultra novennium posse locari. Si tamen contingat Sanctissimui Domini nostri pape super iis confirmationem et dispensationem obtineri que in alienatione et talibus contractibus ecclesiasticarum rerum necessaria est. Quibus in hac parte omnibus iure via modo causa et forma quibus melius valemus specialiter et ex certa scientia derogamus. Cumque pro certa habeamus ipsum monasterium cum suis possessionibus et bonis liberum et exemptum esse pro privilegiis summorum pontificum et clarissimorum imperatorum ac regum et illustrissimorum ducum principumque predecessorum nostrorum nos predicta privilegia acceptantes et eis reverentiam exhibentes et nostrorum vestigiis inherentes ac etiam ad contemplationem ipsius reverendissimi domini Petri Barbi cardinalis veneti predicti ipsa omnia et singula privilegia approbantes nostre munificentie robur et confirmationem adducimus et de novo omnes et singulas immunitates ac exemptiones in eis contentas per presentes concedimus et impartimus. Statuentes ut possessiones de Montenasio territori et diocesis Laudensis et de Casago, Osnago et de Paderno diocesis et territorio Mediolanensis et alie dicti monastery tam citra quam ultra Abduam et ubicumque locorum site reperiantur immunes libere ac exempte cum earum omnibus et singulis pertinentiis colonis et animalibus eorum molendinis molendinariisque mezardis seu partariis inquilinis abbraciatis redditariis ita ut immunes sint ab omnibus fodris datijs angariis perangariis gabellis et imbotaturis et equorum taxis ac logiamentis et vectigalibus et ab omnibus aliis et singulis gravaminibus et oneribus quocumque nomine censeatur. Mandantes omnibus et singulis officilibus presentibus et futuris quatenus ob reverentiam Sancti Jacobi Apostoli sub cuius nomine et vocabulo ipsum monasterium situm et fundatum existit et reverendissimi domini cardinalis prefati contemplationem has nostras exemptionis et immunitatis renovationis et nove concessionis approbationis et declarationis et perpetui silentii impositionis literas inviolabiliter observent et observari faciant ab quibuscumque pro quanto gratiam nostram caripendum et sub pena ducatorum mile pro quolibet contraveniente totiens committenda quotines fuerit contraventum aut de contraveniendo attemptatam et ulterius sub alia quacumque pena nostro arbitrio reservata. Et quoniam scimus magnificum et generosum virum dominum Paulum Barbum equitem venetum apud nos pro illustrissimo Domino Venetiarum oratorem et ipsius domini cardinalis germanum et agente nomine suo, cum spectabili Angelo Symoneta secretario et consiliario nostro dilectissimo convenisse solemnibus instrumentis de ipsis possessionibus in perpetum emphiteosim locandis et ob causam cambii et permutationis atque alienationis pro ut de predictis constat publico instrumento rogato per Gabrielem de Burgoronibus notarium mediolenensem die xxquarto octobris MccccLiiii nos dictam conventionem et omnia inde secuta et secutura approbantes ei robur nostre confirmationis addicimus supplentes omnem defectum solemnitatis ommisse etiam ex nostra certa scientia et de plenitudine si expediat potestatis. Et omnia et singula in eodem instrumento contenta de quibus plenam et individuam noticiam habere profitemur et de omnibus et singulis ipsorum bonorum coherentijs et terminis informati per prefatum Angelum eius heredes et successores per nos nostrosque successores a predicto Angelo et successoribus et heredibus observari et adimpleri permittimus et quantum in nobis erit observari curabimus cum effectu, volentes et declarantes quod prefatus Angelus, filii heredes et successores sui habeant gaudeant et possideant eas immunitates exemptiones et concessiones predictas, et etiam prout continetur in quadam alia confirmatione per nos facta die quinto januari MccccLprimmo in quorum testimonium presentes fieri et registrari iussimus nostrique sigilli munimine reborari.

Datum Mediolani die quarto novembris MccccLquarto.