13 aprile 1688

Cride provisionali per la Casa da Nobile dell'eredità Nava sita in Cassago

 

Archivio Visconti di Modrone, fald. I-154 Fondi e Case Cassago, Acquisti 1670-1740

 

 

 

In Nomine Domini Anno à Nativitate eiusdem Millessimo sexcentessimo octuagesimo octavo Indictione undecima die nartis decima tertia Mensis Aprilis.

Egregius Juris Consultus Collegiatus Dominus Jo: Jacobus Corius Iuris Consultus Collegiatus Mediolani, et Vicarius Provisionum Communis dictae Civitatis pro Trib. seden, et c. qui vidit comparitionem bonorum, et iurium in scriptis dationem, et iuramentum, et requisitionem coram eo factam per Dominam Comitissam donnam Teresiam Modronem Pirovanam Vicecomitem filiam quondam Domini Marchionis Alexandri Portae J. Parochiae Sancti Petri in Caminadella Mediolani et contenta in eis, quae omnia fuerunt redacta in actis prefati Domini Vicarij, nec non provisiones, et constituta super bonis, et iuribus ad cridas ponendis factas, et contenta in eis, ad executionem praemissorum, et ad petitionem, et instantiam Praefate Dominae Comitissae Donnae Teresiae et omni meliori modo et iussit, et commisit Joseph Glussiano, Federico Madrio, Antonio Vercello, Joachino Glusiano, Antonio Bindae et Iacobo Pltaeae omnibus publicis Praeconibus seu Tubatoribus Communis Mediolani, et cuilibet eorum in solidum, ita ut occupantis non sit melior conditio, et quicquid aliquas, seu aliqui eorum inceperit, sei inceperint aliud, seu alij prosequi, et finire possit, seu possint, ut ea eius mandato, et ad instantiam praefatam Dominae Comitissae Donnae Teresiae praesentes cridas fieri curantis publicare velint, et publicent ipsi Praecones, seu aliquis, vel aliqui eorum edictum infrascriptum, seu infrascriptas publicatas cridas sono tubae praemisso ad Scalas Palatij Praetorij Mediolani, hora sexta, vel circa, seu hora vesperarum, vel circa et de die clara ad loca solita Civitatis Mediolani, ubi cridas fieri solent, et etiam in contracta domus habitationis praedictae Dominae Comitissae Donnae Teresiae sit ut supra, et haec in presentia duorum testium, et tribus vicibus in una hebdomada diversis tamen diebus, et alijs tribus vicibus in alia hebdomada sequenti diversis diebus, et una vice in altera sequenti diversis diebus, et una vice in altera, ex ipsis hebdomadis in dicto loco Cassaghi Plebis Missaliae Ducatus Mediolani in qua sita sunt dicta bona, et iura ad cridas ponenda publicandum aedictum in hanc formam videlicet.

 

Omnibus notum sit Dominam Comitissam Donnam Teresiam Modronam Pirovanam Vicecomitem filiam quondam Marchionis Alexandri Porte S. Parochiae Sancti Petri in Caminadella Mediolani, coram Dominum Vicarium Provisionum Communi Mediolani comparuisse, in scriptisque, dedisse bona, et iura infrascripta, et alia requisita fecisse ex forma Provisionum, et Constitutionum Mediolani facturam super bonis et iuribus ad cridas ponendis, tam, ad ea bona, et iura sibi, et posteris suis libera conservandum quam etiam vendendum, et alienandum libere, et fine onere alicuius fideiussionis praestandae, et etiam ad omnem alium bonum finem, et effectum, qui melius, et forma dictarum Provisionum, et Contitutionum ad cridarum sequi poterit, et propterea, si qua persona, Commune, Collegium, vel Universitas est habens, vel habere praetendens ius aliquod in ipsis bonis, et iuribus, vel parte eorum, debeat infra menses tres immediate sequentes post omnes publicationes huius edicti per se, vel per alium eius nomine ad hoc speciale mandatum habentem coram praefecto Domino Vicario, vel eius successore comparere, et in scriptis dare, et ostendere ipsum tale ius quod in ipsis, vel super ipsis bonis, et iuribus, vel aliquam parte eorum habet seu praetendit habere.

Si vero fuerint absentes à Civitate, et Comitatu, seu Ducatu Civitatis Mediolani, (et absentes non intelligantur, qui intra mensem a tempore publicationis huius sedicti computandum reperiantur, vel essent in Civitate, vel Comitatu, seu Ducatu Mediolani) vel minores annis viginti, furiosi, aut menti capti, vel Vidae pro iure dotium suarum et rerum parafrenalium, aut aliae personae habentes, seu habere pratendentes ius ex causis inscriptis, vel aliqua earum videlicet, ex causa administrationis alicuius tutelae seu curae Hypothecae pro aliquo ficto libellario, legatis, fideicomissis, institutione, aut substitutione testamentaria qualibet sucessione ex testamento, vel ab intestato.

Hi enim etiam ex causis praemissis, inter sex menses computandos ut supra debeant comparere, et in sriptis dare, et ostendere ius suum, quod habent per se, vel per alium ut supra, alioquin respectu eorum, qui interminis praedictis non comparerint, et ius suum non deduxerint in dicta bona, et iura sint, et esse intelligantur libera ab omni onere obligationis, et hypothecae, et etiam à quacumque persona ut supra, irrevocabiliter fient praefatae Dominae Comitissae Donnae Teresiae et eius posteris libero conservabuntur, poteritque, praefata ponens dicta bona, et iura, vel partem ipsorum libere vendere, et absque eo etiam, quod teneatur fideiussionem dare, ipsaque venditio libere fieri poterit, absque eo quod tempori, vel eius successori, vel haeredibus super dictis bonis, et iuribus aut ex eorum causa per aliquam personam, Commune, Collegium, vel Universitatem praetendentem vel habentem ius super eis bonis, et iuribus, aliqua quaestio moveri possit.

Ita quod illi, qui non comparebunt ut supra nullum ius habebunt nec ad ea bona, et iura ut supra nec ad eorum pretium si vendantur, dummodo tamen alienatio intra annus fiat post omnes huius aedicti publicationes.

Mandans idem Dominus Vicarius dictis tabatoribus et ut supra, quod copias ipsarum cridarum seu aedicti publicandi, unam ad dictas Scalas Pallatij praedicti. Item aliam in dicta contrata domus habitationis praefati ponen. sit ut supra aliam ad plateam dicti loci Cassaghi plebis Missaliae Ducatus Mediolani, in qua sita sunt dicta bona, et iura ut supra dimittatur parietibusque assignant, et in omnibus et per omnia faciant, ut cavetur ex dictis Provisionibus et Constitutionibus.

Bona et iura ad cridas ponenda, et nomina, et cognomina eorum a quibus dicta Domina Comitissa Donna Teresia Modrona Pirovana Vicecomes de eis bonis, et iuribus datum habuit, et eorum qui dicta bona, et iura ab anno uno citra realiter possederunt, vel quasi ita describuntur videlicet.

Supraplus praetium et valor Domus unius à Nobili sita in loco Cassaghi Plebis Missaliae Ducatus Mediolani, quae consistit in diversis locis in terra, et in Solario, Portichu, Salla, Quoquina, Stalla, Capsina, Canepis duabus subterraneis, et Torculari, nec non appotheca, et alijs locis à pensionantibus alijsque locis annexis, cum suis superioribus usque ad tectum inclusive, quae Domus est cum omnibus suis Juribus, et pertinentijs, cui coheret ab una parte Francisci Navae in parte, et in parte Victoriae Barettae Navae, ab alia Illustrissimi Domini Joannes Pirovani ex Quaestoribus Illustrissimi Magistratus Ordinarij Status Mediolani Equitis Sancti Jacobi à Spata, et nunc coheret ab una parte dominae Comitissae successae domino Francisco Navae, et in parte domini Jo: Angeli Navae, ab alia parte praefataedominae Comitissae successae dicto domini Marchioni Quaestori Joanni Pirovani, et ab alijs duabus strata.

Item petia una terrae viridarij contigui dictae domui mediante tamen strata cum vulgo un ponte supra ipsam stratam, ab alia parte praefatae dominae Comitissae successae dicto domini Quaestori Marchioni Pirovano, ab alia Caroli Antonij Cacciae successae domino Nicolao Delphinono et ab alia strata videlicet omnis iura.

Salvo errore

De quibus quid bonis, et Iuribus praefata Domina Comitissa Donna Theresia Modrona Pirovana Vicecomes, venditionem, et datum habuit, mediante persona Domini Comiti Nicolai Mariae Vicecomitis eius Mariti à Dominico Balzarino Curatore ser. deputato haereditati numquam Domini Jacobi Antonij Navae, et haereditati, vel bonis Domini Joanni utique de Nava apparente instrumento recepto per Juris Consultum et Causidicum Dominum Joseph Gattonum Mediolani Notarium, à dicta die 9 Aprilis in antea, et etiam à festo sancti Martini anni 1687 presenti ut ex ipso Instrumento Venditionis cui videlicet.

 

Corius