21 luglio 1688

Petizione al Vicario Provisionale della Signora Finotta moglie di Alessandro Nava avverso le Crida provisionali e i suoi diritti nella eredità del marito

 

Archivio Visconti di Modrone, fald. I-154 Fondi e Case Cassago, Acquisti 1670-1740

 

 

 

Millessimo sexcentessimo octuagesimo octavo die Mercurij vigessimo primo mensis Julij vespere.

 

Coram Egregio J. C. C. D. Vicario Provisionum Mediolani.

Comparet Domina Maria Finotta Nava Uxor Domini Alexandri Navae filij et haeredis pro virili quondam Domini Joannis Pauli Navae, et Haeredis universalis ab intestato quondam Reverendo Presbiteri Cabrij Navae eius fratris ut patet Instrumentorum additionis dictae haereditatis per dictum Dominum Alexandrum factae rogatorum per dominum Joannem Paulum Advocatum die secunda Mensis Junij anni 1684 praeteriti faciens Infrascripta omnis cum consensu, et licentia dicti eius mariti semper salvis quibuscumque eius Juribus, et cum resservatione consequendi quaecumque alia eius credita tam dotalia quam extra dotalia, expensas, et damna videlicet et non recedendo ab alijs personis, et bonis obligatis nec ab alijs Juris remedijs sed causa assertarum Cridarum Provisionalium ex ordine ut supra, et ad assertam Instantiam Illustrissimae Dominae Comitissae Donnae Theresiae Modronae ac Illustrissimi Domini Comitis Nicolai Mariae Vicecomitis Jugalium, ut dicitur publicatarum, nec non et in termino citationis ex ordine ut supra, et ad Instantiam ipsius Dominae Comparentis dictis Illustrissimis Dominis Comiti et Comitissae intimatae ad videndum fieri Infrascripta, et occasione omnium dicta domina Comparens contradicendo dicit de nullitate dictarum assertarum Cridarum, et non potuisse publicari, publicatas autem non potuisse, nec posse nocere Juribus, et Creditis ipsius dominae comparentis quibus attentis dicta domina Comparens in criptis dando eius Jura.

Exposuit sicuti de anno 1646 nupsit dicto domino Alexandro Navae cum dote librarum quattuor mille Imperialium, ultra augumentum librarum mille per dictum Dominum eius Maritura dictae doti factum, ut patet ex instrumento rogato per quondam Causidicum Dominum Joannem Petrum Zuchium publicum Mediolani Notarium die vigessima septima mensis novembris 1646 inferius producendo et in actis effectualiter dimittendo, in quo Instrumento dicta Domina Comparens habet obligata et hippothecata omnia bona dicti eius Mariti non solum tunc presentia, sed etiam futura, et sic bona et Jura ex dicta haereditate dicti reverendo Cabrij superventa.

Et sicut quondam Franciscus Finottus Genitor ipsius Dominae Comparentis ex dictis libris quattuor mille dicto domino Alexandro promissis pro dote ipsius Dominae Comparentis persolvit domino Antonio Navae etiam uti Procuratori Domini Federici Navae eius fratris libras mille octo centum de capitali, et alias libras ducentum causa interusuriorum intercursorum et hic libras duas mille per dictum quidam Joannem Paulum Navam debitus Dominae Filidoniae uti Matri, Tutrici, et Curatrici dictorum Dominorum Antonij et Federici fratrum de Nava causa contenta in Instrumento transitionis prorogationis pacto gratiae, et confessionis rogato per quondam Dominum Innocentium Petrasanctum usque sub die sexto octobris anni 1619 et ex Instrumento retrovenditionis per dictum Dominum Antonium Navam factae dicto Domino Alexandro rogato per dictum Dominum Joannem Petrum Zucchium die 20 decembris dicti anni 1646 inferius pariter producendis et cum effectu dimittendis.

Et sicuti virtute dictorum Instrumentorum dicta Domina Comparens ingressa est in locum, Jus, et statum dictorum Dominorum Antonij, et Federici fratrum de Nava, et media exbursatione dictarum librarum duarum mille aquisiverit anterioritatem dictorum dominorum fratrum de Nava, et in bonis ad cridas positis, tamquam bona quae fuerunt in bonis dicti quondam Domini Joannis Pauli Navae habet meliora potiora, et anteriora Jura, quam habebant praeteriti alij Creditores et Contradicentes.

Et sicuti de anno 1649 ipsa Domina Comparens tradidit in depositum verum et reale Domino Jacobo Antonio Navae Fratri dicti Domini Alexandri eius Mariti libras tercentum quindecim imperiales in tot ducatonis, de quibus adhuc remanet Creditrix una cum earum interusurijs in rationem librarum quinque pro centenario in anno, et sic in totum librarum novem centum, vel circa salvo errore pro ut patet ex Instrumento recepto per Causidicum Collegiatum Dominum Antonium Soncinum publicum Mediolani Notarium die ...

pariter inferius producendo, et dimittendo

Quare cum praedicta fuerint, et sint vera dicta Domina Comparens petit, et requirit quatenus praefatus Dominus Vicarius, eius officium benigne implorando velit, et debeat sua sententia deffinitiva in scriptis pronunciare sententiare, et declarare bona ad Cridas posita, tamquam bona, quae fuerunt in bonis dicti quondam Domini Joannis Pauli Navae, et in divisionibus obventa dicto Reverendo Domino Cabrio, et diende dicto Alexandro dicti Reverendi Cabrij fratri, et eius haeredi ab intestato fuisse, et esse obligata, et hippothecata ipsi dominae Comparenti pro dictis eius creditis ut supra enunciatis, et in dictis bonis ipsam dominam Comparentem habere meliora, potiora, et anteriora Jura, quam habeant et habere possint quicumque alij Praetensi Creditores, et Contradicentes et propterea ex pretio dictorum bonorum ad Cridas positorum, in primis satisfaciendum esse dictam Dominam Comparentem uti postiorem et anteriorem de praedictis summis ut supra, et sic, vel liter et pro ut melius sui favore fieri et pronuntiari cum vistoria in expensis, de quibus et aliter et ut latius et salvo Jure et praedicta etiam cum petitione Consilij Sapientis.

Ad quem effectum producit pro nunc et in actis poenes Notarium Actuarium praefati Egregij Domini Vicarij cum effectu dimittit eius Jura in publicam, et authenticam formam per debitum tempus et ad effectum et deinde et quae sunt infrascripta videlicet salvo Jure alia Jura producendi.

Jnstrumentum insertionis dotis dictae Dominae Camparentis rogatum per quondam Dominum Joannem Petrum Zucchium publicum Mediolani Notarium die vigessimo septimo mensis novembris 1646 et expletum per quondam Hieronimum Zucchium eius filium auctoritatem habentem.

Instrumentumadditionis haereditatis quondam Reverendi Praesbiteri Cabrij Navae factum per dictum Dominum Alexandrum Navam dicti Reverendi Cabrij fratrem rogatum per Dominum Joannem Paulum Advocatum Mediolani Notarium die secunda mensis Junij anni 1684 presenti.

Instrumentum transactionis prorogationis pacti gratiae, et confessionis rogatum per quondam Dominum Innocentium Petrasanctum die 6 octobris 1615 et expletum per ... auctoritatem habentem.

Instrumentum retrovenditionis et positionis in sui locum Jus, et Statum factae per Dominum Antonium Navam etiam uti Procuratorem Domini Federici Navae eius filij receptum per quondam Dominum Joannem Petrum Zucchium publicum Mediolani Notarium die vigessima mensis decembris 1646 et expletus per ... auctoritatem habentem.

Instrumenti depositi veri, et realis facti per dictam Dominam Comparentem poenes Dominum Jacobum Antonium Navam fratrem dicti Domini Alexandri de libris tercentum quindecim in tot ducatonis receptus per Causidicum Collegiatum Dominum Antonium Sonzinum olim publicum Mediolani Notarium die ...

Itaque omnia alia Jura et in solis et cum oblatione copiae et salvo videlicet et salvo Jure alia producendi, et dimittendi si opus est.

Insuper dicta Domina Comparens pro observatione Novarum Constitutionum et ordinum iuravit, et Jurat ad sancta dei Evangelia, manibus emporaliter tactis scripturis, quod id, seu presentem Contradictionem, et Jurium productionem non fecit, nec facit per malitiam, nec in fraudem, nec animo malitiosae impediendi aliquam alienationem quam modo, et in omnibus pro ut iura requiritur ex dispositione Novarum Constitutionum et Ordinum.