1757

Visita pastorale a Cassago del cardinale Giuseppe Pozzobonelli

 

Archivio plebano di Missaglia

 

 

 

De Ecclesia Parochialis S. Jacobi Loci Cassaghi Plebis Missaliae.

 

De Santissima Eucharestia

Quinque particulae assidue servantur in hac Ecclesia Parochiali in Pixide argentea ab interiori parte linita. Velum sericum rubri coloris aptam abtergendas adhibetur intra tebernaculum, quod e ligno est ea asservatur super mondo corporali, Tabernaculum ipsum serico eoque praetioso postulat introvestiri valvula firmiter clauditur clave argentea eademque exterius exhibet imaginem Corpus Domini resurgentis.

 

De Sacris Reliquijs

Publicae Fidelium veneratione in hac Ecclesia exponuntur infrascriptae Sanctorum Reliquiae. In Vasculis ex aere cijprio argento illito formae oblungae particulae ex ossibus Sanctorum M. M. Gaudentij, Constantij et Magni, recognitae in Curia Archiepiscopali Mediolani pro ut ex documento. Asservantur in Sacristia intus Armarium ligneum interius paijro praescripti coloris circumamictum.

 

De Capella Baptisterij et fonte

Capella Baptisterij intra Ecclesia extructa pro ratione eiusdem Fabricae satis ampla est in medio labellum lapideum formae rotundae columellae item lapideae insedit, asservatque aquam baptismalem, cuius munditii operimenta cupreo de subtus tannato caute consulitur, ciborium ex tabulis polite levigatis constat formam exibet octangularem ad idem obtegendum interius et exterius tela albi coloris adhibetur. Intra Capellam eandem in pariete laterali excavata fui fenestrella sacrarij, Fundus solido lapide, eoque concavo sternitur, atque in medio foramen habet fornae quadratae.

 

De sacris oleis

Sacra olea Chrismatis, Cathecumenorum et Infirmorum in vasculis ex argento, vascula in theca solida, atque istarum in sacculo serico praescripti coloris asservantur, atque olea quidem chrism. et cathecum intra Ciborium in Capella Baptisterij, oleum autem infirmorum intra fenestellam in pariete Capellae Mai ad Aquiloni, excavatam, ac tabulis populeis, iterumque serico violaceo introvestitam.

 

De Capella Mai et Altari

Capella Maiore in capite navis assurgit in altitudinem cubit. 14 unc 16 late patet cub. 9 unc 8 longe cubit 17 unc item 8 ingressus clathris ferreis cingitur, supereminet à plano navis tribus gradibus ijsque lapideis. Pavimentum lateribus stratum desuper impendet forma eleganter concameratus et antiquis picturis ornatus in epijstileo adoratur crux, et Crucifixi imago velo rubro circumdata. Per tres gradus lapideos a plano Capellae ascenditur ad altarem quod aliquantulum distat a pariete posteriori. Mensa, ara, lapidea Mappae et alia id generis ad normam instructionum Sanctae Mediolanensis Ecclesiae reperta sunt. Super aktare sedit tabernaculum a posteriori parte id est ligno a fabre structus fuit atque auro quam optime illitum duas fenestellas ad servandum Sanctissimum Sacramentum unam in inefriori, alteram in superiori parte ad normam sjnodi 32.

 

De Alijs Capellis et Altaribus

Una tantum Capella minor in hac Ecclesia Parochialis eaque in pariete laterali ad sinistram egredientis e Capella Maiori hoc est meridie fuit aedificatam ad nomen, et honorem Beatae Mariae Viriginis. Longe excurrit cubit. 5 unc. 8 late cub. 6 unc. 16 pavimentum lateribus stratum fuit tectum inferius in arcum coemetitium sinuatur ingressum vetant Cancelli lignei. Altari parieti adhaeret exhibetque desuper in loculo S. Iconem Beatae Virginis opere sculptorio e ligno ductam. Petra sacrata nova cerata tela obtegenda est, cumque nutet, totius obfirmanda in fronte Altaris clavideratur Crux cetera ad praescriptum.

 

De Alijs Ecclesiae partibus

Annus erectionis huius Ecclesiae Parochialis ignoratur, eius structura sic se habet Frontispicium omni caret ornata architecturae Janua in medio satis ampla ingressus praebet. Una navis ingredientes excipit, cuius longitudo est cubit. 21 unc. 8 latitudo cubit. 16 unc. 16 pavimentum lateritium [9,5x7,6 m]. Tectum inferius laqueatam tabulis apte levigatis. Sepulcra sex enumeratur unum Parocho, alterum Nob. Familiae Navae, tertium de Masnaghis, alia Communitati inserviunt. Ecckesiae ad meridiem iungitur turris in qua duae pendent campanae ad usum divinorum. Capella Maiori ad orientem adiacet Coemeterium, quod altius est via quatuor gradibus, septumque est satis ad Bestias arcendas.

Locus ossarius deest Sacristia iungitur Capellae maioris satis ampla pro ratione Ecclesiae Parochialis sub fornice est lumonque, habet e fenestra ad normam instructa. Ostium in Capellam eandem aditum praebet. Armaria sacra supelex, codices, tabulae, vas aquarum et alia recte congruunt cum instructionibus Sancti Mediolanensis Ecclesiae. Desideratur tamen nova phiala ad ususm aportanti aquam baptismalem ab Ecclesia plebana.

 

De Legatis pijs

Quondam Petrus Zappa in publicis tabulis receptis die 28 Januarii 1621 per Simonem Meda publicum NOtarium legavit Officia duo a mortuis in hac Parochiale cum celebratione missarum 8 pro singulis, eaque in singulos annos dos tenuis est lib. 11 pro singulo officio.

Quondam Bernardinus Zappa, seu de Sappis in publicis tabulis receptis die 19 Octobris 1602 per Jo: Baptistam Isaccum publicum Notarium legavit Missam quotidianam excepta feria 6 hic celebratam.

Reverendus Matteus Brambilla legavit Officium unum cum celebratione Missarum 8 in singulos annos, sed testamentum non reperitur, et Fratre de Redaellis tamquam possessores bonorum testatoris solvunt quotannis lib. 12 in ademplimentum.

Quondam Melchior de Sappis legavit huic Ecclesiae Missae 7 singulo anno per Parochum celebrandas, ut ex testamento recepto per Gasparem Bevagnam publicum Notarium die 6 Februarii 1681.

Item de Sappis Melchior legavit sextaria quatuor panis tritici distribuendi in pauperes Cassaghi singulis annis, obligavitque bona stabilia appellata il Sancto Salvatore sit in Territorio Tremoncini huius Parocciae adimpletur per Nobilem Comitem Antonium Vicecomitem.

Quondam Sanctinus Arigonus legavit huic Ecclesiae seu scholae Sanctissimi Missam unam singula hebdomada celebrandam in perpetuum supposuitque bona immobilia sit in Territorio Tremoncini huius Parociae ita ex instrumento recepto per Gasparem Bevagnam die 6 Febrarij 1681.

Joannes redaellus legavit Missas tres singulis hebdomadis celebrandis in perpetuum in Altari Beatae Viriginis Mariae obligaveritque bona immobilia, ut ex eius testamento recepto per quondam Joseph Mauro die 18 octobris 1714.

Quandam Christophorus Radaellus in suo cum quo decessit testamento recepto per Paulum Peregum publicum Notarium die 29 Decembris legavit missae 100 quotannis celebrandas in Altari Beatae Virginis.

Item Christophorus legavit missas duas in hebdomada quotannis celebrandas idque in diem incertum videlicet post mortem Barbarae Redaellae eius cognatae, quae defuncta est anno 1752 descriptis tabulis legatis satis fuit Reverendi Jo: Baptsitae redaelli tamquam heres et possessor bonorum legatis affectorum.

 

De Redditibus Ecclesiae

Schola Sanctissimi Sacramenti in hac Ecclesia Parochiali erecta percipit annuos fructus libras 15 ex sedimine domus sita in Territorio Tremoncini continete duo cubicula inferiora totidemque superiora conterminant ad occidentem et Aquilonem bona Joseph Radaelli Barzanorij, ad Orientem et Meridiem bona Nobili Familiae Visconti. Redditus incerti verisimiliter constituunt annuos fructus libras 280. Visis parcellis dati, et accepti, ereditum, et debitum se mutuo compensant. De elemosinis, que pro defunctis colligantur.

Huiusmodi elemosinae administrantur per Parochum opera thesaurijs, piaeque insumuntur in celebratione Missarum.

Factis calculis vidimus equales esse parcellas dati, et accepti.

 

De Redditibus Beneficium Parochialis

Redditus Beneficium  Parochialis certi sunt librae Imperiales 240.15 numerande per unicam manum ex Communitate Cassaghi, Oriani et Zizzanorij.

Onus restaurandi Domum Parochialem incumbit Populo a adheret Ecclesiae ad meridiem, continetque cubicula inferiori 3 superiora 4.

 

De Codicibus Parochialibus

In unum codicem referuntur nomina Baptopzatorum, Coniugatorum et Defunctorum. Codices asservantus in Armario in Sacristia.

 

De Confraternitatibus

Doctrinae Christianae exercitium in hac Ecclesia Parochialis ritu habetur omnibus diebus Festis totius anni iuxta regulas a S. Carolo institutore optime traditas. Extat etiam schola Sanctissimi Sacramenti sine usu saccorum ad effectum consequendi indulgentias.

 

De Parocho et Populo

Parochus huius Ecclesiae est Reverendus Joseph Beretta natus Mediolani anno 1686. Liber status animarum vite quotannis conficitur num. Parochianorum est 565, eorum vero qui ad Comunionem admissi sunt numus est 380.

 

De oratorio S. Gregorij sito in loco Oriani

Per januam in fronte adapertum ingressus fit in hoc Oratorium D. Gregorio vel D. Marco dicatum. Navis una ingredientes excipit, eius longitudo est cubitorum 20 altitudo 14 once 16 pavimentum opere lateritio constat tectum inferius puto contignatum. Sepulcrum excavatum fuit ad usum tumulandi infanti loci Oriani pars Capellae posterior respicit merid. Eique iungitur Sacristia pro ratione Oratorij satis ampla. Olim armario asservatur supellex ad rem divinam necessaria. Calix unus pede nutat desideratur vas aquarum.

Prosper Peregus legavit hic Missam quotidianam,sed in praesens una in singulis hebdomadis, aut duo tantum celebrantur.

 

De Oratorio S. Joseph in loco appellato Campi asciuti

De iure patronatus Nobilis Familae Costae existit hoc Oratorium sub invocatione Sancti Joseph, unica navi gaudet, eaque longe excurrit ad cubitos 13 unc. 8 cubitos 12 panditur, alte cub. 17 unc. 8 pavimentum lapidibus polistratum fuit. Parietes quam optime dealbari. Altare et aliae Ecclesiae partes itemque sacristia et Sacra supellex conformantus instructionibus Sanctae Mediolanensis Ecclesiae.

Decreta condita pro Ecclesia Parochialis Sanctorum Jacobi et Birgittae et Oratorijs adiacentibus.

 

Mos antiquissimus in hac Paroecia servatus est ut Venerandus Oarochus semper penes se retineret unicum clavem archivi in quo scripturae omnes ad Ecclesiam et Scholam pertinentes continentur. Item mos etiam est ut nulla capsa existeret pro pecunijs ad Ecclesiam spectantibus custodiendis nos recta administrationis regulam stabilire, atque in usum inducere volentes mandamus, ut capsula construatur duabus clavibus diverso Fabrili opere constructis munita quorum una Prior seu Thesaurarius, Ecclesiae Alteram Venerandus Parochus semper, asservat, quod idem servari volumus etiam respectu archivi.

Petra Sacra Altari Beatae Virginis nova cerata tela coloris viridis obligatur, eaque tutissime firmetur.

In fronte eiusdem Altaris pingatur Crux.

Comparatur Phiala cui operculum strictissima aptum sit ad usum asportandi aquam baptismalem.

Ostium tabernaculi, et ipsum etiam tabernaculum novo serico, eoque praetioso introvestiatur.

 

De Oratorio S. Gregorij in loco Oriani

Per calicis nutans firmatur.

Vas aquarum, aut situla paretur cum mano tertio.

Pavimentum valde humiditati obnoxium renovetur.

Rev. Titularis deferet documenta ad Dominum Vicarium Foraneum ut cognoscere possit an una tantum Missa, vel duae sint ab ipso celebrandae in hoc Oratorio.