20 ottobre 1351

Giovanni da Cassago nunzio giurato del Capitolo di S. Giovanni di Monza

 

 

Archivio del Duomo di Monza

Bibliografia: PANDOLFI, Regesto dei documenti Monzesi, dattiloscritto 1962, Biblioteca di Monza.

Sala Aristide, Documenti per la storia della Diocesi di Milano conservati nell'archivio della veneranda Curia Arcivescovile

 

 

 

Riunione del Capitolo di S. Giovanni di Monza, convocato per ordine di Graziano de Arona vicario dell'arciprete su intimazione fatta da Giovanni da Cassago nunzio giurato del Capitolo.

 

In nomine Domini, anno a nativitate ejusdem millesimo trecentesimo quinquagesimo primo, Indictione quinta, die Jovis, vigesimo mensis octobris. In Canonica ecclesie Sancti Johannis de modoetia mediolanensis diocesis. In loco Capituli, seu ubi sollent Capitulum dictae ecclesie cellebrari.

Convocato et congregato capitulo dicte ecclesie pro infrascripto negotio speciali peragendo, de mandato et impositione venerabillis viri domini Gratiani de arona vicarij Reverendi patris domini archipresbyteri dicte ecclesie, In quo quidem Capitulo aderant et sunt: dictus dominus gratianus canonicus et vicarius ut supra, nec non domini presbyteri Johanes de Janua, Jacobus de robian, bartolomeus cochorella, fatius de concoretio, Justollus sachella, Ominallus de trochanzano, francischus biffus, Petrus deralice, Raymundus de sancto victore, Johanolus homodeus, Joanolus de magnago, honrigolus Crivellus, et bernardus de demiano, omnes Canonici dicte ecclesie Sancti Johannis, qui sunt mayor et sanior pars et ultra quam due partes canonicorum ressidentium et existentium in dicta canonica.

Ibique in ipso capitulo, et coram prefato domino vicario et Canonicis retullit, dixit et protestatus fuit Johanes de cassago nuntius Juratus dictorum dominorum Vicarij et Canonicorum dicte ecclesie: se die hodie, supradicto mandato et impositione dicti domini Vicarij, Citasse et requisivisse omnes et singulos canonicos ipsius ecclesie in dicta canonica ressidentiam fatientes, nominatim et ostiatim; et eis et cuilibet eorum dixit prescripsisse et Junxisse ut Ipsi omnes et singuli dictis die et hora venire et comparere debeant et se congregare in dicto capitulo una cum aliis, ad tractandum, et pro tractando, disponendo et ordinando, de faciendo, creando et constituendo, et sustituendo novum magistratum et rectorem ad hospitale sancti giradi siti in terra de modoetia eisdem ecclesie et capitulo dicte ecclesie sancti Johanis Immediate subiectum; et pro conferendo ipsum magistratum et rectorim alicui bone persone et Investiendo personam ydoneam de ipso hospitali, et eidem magisterio et rectoria et eundem Institutum in possessione Induendo, et pro omnibus singulis circha predicta necessarijs et opportunis.

Alioquin prefatus dominus Vicarius, nomine ipsius domini archipresbyteri, et ipsi qui essent presentes ad capitulum, procedent ad dicta omnia et singula, et ad omnia et singula incombentia et necessaria in predictis, et circha predicta, eorum nec aligujus eorum absentia non obstante, et eis ob hoc ulterius non monitis nec citatis.

Actum in dicto capitulo dicte Canonice sancti Johannis de modoetia.

Interfuerunt ibi testes artuxius de regio filius quondam Johannis, dominus prebsyter finetus de ziatis Capelanus illius ecclesie sancti Johannis de modoetia.

Dominus Jacobus rabia filius quondam item domini Jacobi

presbyter Leo frixius filius quondam dalfini,

et hecholus cassina filius quondam tadei, omnes de modoetia nati, rogati et vocati et ydonei.

Et Ego griffus filius quondam domini girardi notarius

Ego Johannolus de flore, filius quondam domini bertuzij, notarius de modoetia.

Jussu supradicti notarij scripsi.