19 febbraio 1380

Ganzolla di Oriano è monaca nel monastero di Brugora

 

 

Archivio di Stato di Milano, Fondo Religione, cart. 3641. 

 

 

In nomine Domini anno a nativitate Eiusdem millesimo trecentesimo octuagesimo, indictione tertia, die dominico decimonono mensis februarii, investivit nomine locationis ficti et massaritii ad benefaciendum meliorandum et non peiorandum a festo sancti Martini proxime preteriti ad annos quatuor proxime futuros et deinde donec utrique parti placuerit, venerabilis domina Chateolola de Caxate, dei gratia monasterii sancti Petri de Brugora ordinis sancti Benedicti, diocesis mediolanensis abbatissa, domine Cossella de Orsenigo, Catelola de Caxate dicta de Tongia, Ganzolla de Uriano, Mafiolla de Caxate, Malgarina de Caxate, Citolla de Bexana, Librolla de Caxate, omnes moniales et professe iamdicti monasterii sancti Petri de Brugora, suis nominibus propriis et etiam nomine et vice et ad partem et utilitatem totius conventui et capituli dicti monasterii et utraque earum in solidum ita quod utraque eorum in solidum comuniter et cum effectu convenire possit, Andream de Rupertini filium quondam Zanis habitantem in castro de Ranchate plebis de Massalie comitatus mediolani, nominative de petia una terre laborative vidate, prati et silve insimul se tenentibus iacente in territorio de Caxate novo ubi dicitur in Gantino, cui coheret ab una parte canonice decumanorum, ab alia parte Bertolli de Caxate, ab una allia parte strata et ab allia domini Iohannis de Caxate militis in parte et in parte ecclesia sancte Marie de Penzano et est pertiche octuaginta vel id circa.

Eppoi eo tenore quod de cetero dictus Andreas conductor habeat, teneat, laboret et possideat dictam petiam terre et de ea faciat quidquid facere voluerit sine contradictione dictarum dominarum nec alicuius earum meliorando et non peiorandum dando et solvendo dictus Andreas conductor eisdem locatoribus omni anno durante hac investitura in festo sancti Martini pro ficto dicte petie terre libras undecim et solidos decem tertiolorum bonorum denariorum argenti Mediolani nunc curentes et spendibiles cum omnibus expensis, damnis et interesse que fient aut forent dictis dominis locatoribus pro predictis vel eorum occaxione.

Actum in loco brugora in dicto monasterio presente pro notario Petrollo dicto Canaltrio Ferario filio quondam domini Lafranchi habitante in loco Monte notario.

Interfuerunt ibi testes Berollus massa filius quondam Comolli,

Beltramus de Ranchate, filius quondam Zanini ambo habitantes in loco Monte

et Beltramus de Uglono filius quondam Martini habitans in loco Brugora

omnes noti ydoney vocati et rogati.

Ego Iohannes de Riboldis de Bexana filius quondam domini Paulli qui nunc habito in loco Monte, publica imperiali auctoritate notarius, hanc cartulam rogatus tradidi, scripsi et subscripsi.