TOTIUS LATINITATIS LEXICON OPERA ET STUDIO

di Egidio Forcellini

Seminarii Patavini Alumni Lucubratum et in hac editione novo ordine digestum amplissime auctum atque emendatum adiecto insuper altera quasi parte ONOMASTICO TOTIUS LATINITATIS cura et studio Doct. Vincentii De-Vit olim alumni ac professoris eiusdem seminarii

Tomus octavus

1868

 

 

 

CASSIACUS, i. m. Nomen villae (proprie adiect., subaudito pagus), in agro Mediolanensi, nunc Cassago, in colle sitae ea regione, quae vulgo Brianza appellatur, IV leucis a Modoetia. In hanc villam, quae spectabat ad Verecundum, se recepit Augustinus per septem menses, ut se disponeret ad baptisma recipiendum (a. 386-387), ut ipse scribit in Confess. 9.5., quo loco quidam perperam legunt Cassiciacus, ut probat cl. Biraghi in Amico Cattolico, a. 1854, pag. 361 et seqq., ubi etiam confutat eos, qui interpretantur de Casciago seu Cas'ciago, XVIII m. p. ab hodierno Varese, et VII a lacu Verbano.