L'EREMO DI LABETO VIENE AFFIDATO AD ALBERTO, PRIORE DI BOLOGNA E VICARIO DEL CARD. ANNIBALDI

[1 luglio 1249]

 

 

Arch. Di Stato di Siena, Diplomatico S. Agostino di Siena.

 

 

 

In Nomine Domini. Anno autem Eiusdem millesimo ducentesimo quadragesimo nono, tempore Innocentii IV Papae et discordia existente inter Fredericum et Ecclesiam, indictione septima, die primo intrante Julio in Forol(ivii) in loca Fratrum de Landino. Nos frater Dominicus de Labedo et frater Johannes de Mangalano de Abeto pro nobis nostrisque heredibus et successoribus, nostro proprio motu et nostra spontanea voluntate, nemine nos cogente vel vim inferrente, pure et libere et irrevocabiliter per donationem inter vivos damus et donamus ac irrevocabiliter conferimus tibi fratri Alberto, priori, rectori et administratori eremi S. Augustini de Bononia et vicario domini Ricardi Sancti Angeli Cardinalis, recipienti pro te et pro toto Ordine S. Augutini et pro omnibus de Ordine, videlicet locum et eremum nostram de Labedo, vel si aliter ibi dicitur, cum toto terreno posito iuxta dictam eremum, existimato decem tornesiis salvo si plus inveni potest. A tribus lateribus dictae eremi via, a quarto valle de Misiglo vel si qui alii sint confines. Praedictam itaque eremum cum praedicto terreno damus et donamus tibi pro te et dicto Ordine cum introitu suo et exitu et omnibus intrat (is) et suspens (is) quoquemodo constitutis, omnibusque sibi pertinentibus et cum omni iure et actione personali et reali, utili et directa, quod et quam habebamus et habere sperabamus in praedictio eremo et terreno sive eius occasione contra aliquam personam.

Et facimus et constituimus te procuratorem pro te et dicto Ordine in rem praedictam ad habendum, tenendum, possidendum et quidquid tibi licentiam possidendi, intrandi subscriptae rei tua auctoritate et nostro mandato quandocumque volueris, et constituimus nos tuo nomine possidere donec corporaliter intraveris possessionem. Et insuper promitimus tibi, pro te et dicto Ordine recipienti veram et perpetuam oboedentiam et perpetuo stare et habitare in dicto Ordine. Hanc autem donationem, translationem et promissionem tibi facimus amore et timore Jesu Christi et pro redemptione nostrorum peccatorum.

Quam quidem donationem, cessionem et promissionem et omnia suprascripta nos, praedicti frater Dominicus et frater Johannes promittimus tibi iam dicto fratri Alberto, recipienti pro te et dicto Ordine firmiter tenere et perpetualiter observare nec contrafacere nec venire modo aliquo vel ingenio, neque per nos neque per aliquam personam a nobis submissam vel submittendam, sub poena et nomine poenae a nobis tibi promissa centum librarum ratione et obligatione nostrorum bonorum. Et poena soluta vel remissa omnia suprascripta maneant firma et inviolata in perpetuo.

Testes interfuerunt praesentes frater Deuteguardi, frater Johannes de Cesena, frater Zanibonus de Reggio, frater Joannes de Landino et Bolgarellus, carpentarius denominatus Turris Flor(entini).

Et ego Benvenutus Streppoli de Castiglione, imperialis notarius, voluntate praedictorum scripsi et publicavi.