INSTRUMENTUM VENDITIONIS

[3 agosto 1253]

 

 

Documento 2

Villa di Castellare. Deuteaiute e Ventura Nevoli di Castro Girardi vendono all’eremo di Piaggiolino, in persona di fra Biagio e di fra Alberico da Iesi, un appezzamento di terra sito nella corte di Castro Girardi nel fondo di Piaggiolino in località Rubei, metà della quale possedeva in società con Guido di Massaria, al prezzo di tre libbre e mezza ravennati e anconitane.

Originale , Roma, Collegio Germanico, Pergamene di F. Avellana, n. 371 [A]. Copia semplice del sec. XVII, ivi [B]. Nel margine superiore del recto di A probationes pinnae. Sul verso, di mano del sec. XIII: "Donatio in fundo Castri Ghirardi et Plaggiolini"; di altra mano coeva: "Instrumentum ca(m)pi de Foveis"; altra annotazione tarda. Pergamena in buono stato di conservazione.

 

 

In anno Domini millesimo CCLIII, die XIII intrante agusto, indictione XI, apud villam Castellaris iuxta Ca/neham Callveti, t(em)por(e) domini Innocentii pape quarti. Nos quidem in Dei nomine Deuteaiute et Ventura Nevoli de Castro Girardi damus, vendimus atque tradimus, iure proprio si est proprium, et si est ecclesiasticum, iure ecclesiastico, vobis fratre Blaxio et fratri Albrico de Esio, recipientibus vestro nomine et sucessorum vestrorum existentium in erremo de Plazolino in perpetuum terram nostram positam in curte Castri Girardi in fundo Plazolini in loco Rubei, quam habemus pro indiviso et pro dimidia cum Guidone domine Massarie, inter hec latera: a primo via que venit a Buccacocta et mergit ad Plazolinum ad locum fratrum, a II heredes Iacobi de Castro Girardi silicet a pede, a III serra Mathei Bactoli, a IIII heredes domini Iacobi vel si qui alii sunt confines, et quicquid infra predicta latera continentur medietatem damus, vendimus atque tradimus vobis s(uprascript)is co(n)paratoribus, cum introitibus et exi/tibus suis et omnibus infra se et super se habentibus et sibi pertinentibus integrum; de qua terra nullam reservationem in nos nec in nostros heredes facimus, set de ea vos investimus per vosmetipsos ut nosmetipsi inductos in vacuam possessionem dicte rei sine ocasione iuris et violentie; et a modo liceat vobis ibidem introire, investire, preocupare firmiterque possidere, vendere, donare, ga(m)biare et alienare et quicquid vobis et vestris sucessoribus facere placuerit im perpetuum; promictentes, dolum, malum abesse abfuturumque.

Ideo vobis s(uprascript)is co(n)paratoribus dedimus, vendimus atque tradimus s(uprascript)am terram, quia vos nobis dedistis et solvistis nomine pretii et pro pretio tres libras R(avennates) et Anc(onitanas) et dimidiam; quam pecuniam apud nos habere confitemur; unde renu(m)ptiamus exceptioni non dati et non soluti pretii quia bene fuit datum et solutum coram notario nobis a vobis s(uprascript)is co(n)paratoribus; et si plus valet vel valebit aliquo modo vel ingenio, totum damus et donamus vobis s(uprascripti)s conparatoribus pure, libere et absolute inrevocabiliter inter vivos, renu(m)ptiantes exceptioni decepti ultra dimidiam iusti pretii co(n)pectenti, promictentes dictam exceptionem non usuros, promictentes etiam per nos nostrosque heredes et dictam terram a nobis vobis datam et venditam actestari, autorizare, defendere, luere et disbrigare ab omni persona hominum in iuditio et in arbitrio, in curia et extra, et vos vestrosque sucessores omnimode inde(m)pnes conservare adque nostris expensis in curia et extra et in iuditio et in arbitrio; pro quibus vero omnibus observandis et fatiendis et pena infra/scripte paginis vobis obligamus omnia nostra bona presentia et fuctura, que a modo vestro precario nomine tenere promictimus, dantes vobis licentiam si contrafactum fuerit in aliquo in dictis bonis vobis ipotecatis vestra autoritate acipiendi et vendendi tantum donec de pena et sorte et omni vestro iure esse plenius satisfactum.

Que omnia s(uprascript)a singula et universa facimus et promictimus per nos nostrosque heredes et sucessores vobis s(uprascript)is co(n)paratoribus et recipientibus vestro nomine et nomine sucessorum vestrorum predictorum facere actendere et observare et non contravenire in aliquo, sub pena dupli valentis dicte terre; qua pena soluta vel non soluta, rato manente contractu. Insuper dictus Ventura, tactis sacris evangeliis, omnia predicta actendere et observare perpetuo iuro.

Testes: Calvettus Philipi et Zanes eius filius, Bentevolius, Za(n)nes Petri Martini Rainali ad hec rogati interfuerunt.

Ego Egidius imperiali auctoritate notarius rogatus s(crip)si.