INSTRUMENTUM VENDITIONIS

[26 dicembre 1264]

 

 

Documento 5

Fano Guiduccio e Ugolino figli del fu Paterniano di Castellare vendono all'eremo di S. Agostino di Piaggiolino, in persona di fra Benigno priore, tutta la terra che possiedono nella corte di Castellare Bulgari e nella serra di S. Martino verso Riomaggiore, al prezzo di sei libbre ravennati e anconitane.

Originale, Roma, Coll. Germanico, Pergamene di F. Avellana n. 440 [A]. Sul verso, di mano del sec. XIII-XIV: ‘Instrumentum [.....] S(anc)ti Martini olim factum (factum lettura dubbia)’; di mano del sec. XV: ‘Emptio fratrum de Piagiolino’. Pergamena con lievi macchie di umidità e un piccolo foro nel margine superiore.

 

 

In nomine Domini, amen. Annis eiusdem mill(esimo) CCLXIIII, die V exeunt(e) decembr(e), indictione VII, Fani. Guidutius et Ugolinus filii condam Paterniani de Castellari, iure proprio si est, si vero condictitium cum licentia innovandi, dederunt et vendiderunt fratri Benigno priori loci Sancti Augustini de Plazolino, reccipienti nomine atque vice loci eiusdem, totam terram cultam et incultam positam in curte Castellaris Bulgari et in serra Sancti Martini versus Rivum Maiorem, infra hec latera: a primo via, a secundo via vicinalia, a III dominus Artrottus et a IIII heredes Trasberti et heredes Pauli Marti. Infra hec vero latera et si qua sunt sibi alia, dictam rem dederunt et vendiderunt dicti venditores eidem priori, reccipienti nomine eiusdem loci, cum introitu et exitu suo et omnibus et singulis infra se et super se habentibus et sibi pertinentibus in integrum, nulla reservatione de eadem re in toto vel in parte facta ab eisdem vendictoribus vel eorum aliquo, ad habendum, tenendum, fruendum, lucrandum, vendendum, alienandum et quicquid eidem e(m)ptori, nomine loci eiusdem, placuerit fatiendum. In quam rem liceat ipsi emtori, nomine loci eiusdem, deinceps ingredi et tenutam ipsius aprehendere, ipsius e(m)ptoris nomine, ipius loci auctoritate et sine omni ocasione iuris et violentie et interim precario nomine ipsius loci eandem rem tenere im perpetuum, promittentes predicti e(m)ptores dolum, malum abesse abfuturumque esse.

Ideo dicti vendictores dederunt et vendiderunt eidem emptori, nomine loci eiusdem, dictam rem, quia exinde nomine pretii et pro pretio eiusdem rei habuerunt et recceperunt ab eodem, nomine loci eiusdem, sex libras R(avennates) et Anc(onitanas). Quod quidem pretium apud se habere confessi fuerunt dicti vendictores, renuntiantes exceptioni non numerati, non habiti et non traditi sibi pretii predicti et exceptioni iuris, decceptis, co(m)petenti ultra dimidiam iusti pretii circumventis, scientes dicti vendictores dictam rem plus dicto pretio valere, set ad comunem exstimationem plus vendi non posse, attamen totum quod plus valet vel valebit pretio supradicto, dicti vendictores pure, libere et absolute, simpliciter et inrevocabiliter inter vivos, per se eorumque heredes, dederunt et donaverunt eidem fratri Benigno, reccipienti nomine loci eiusdem. Quapropter dicti vendictores, per se eorumque heredes, promiserunt eidem fratri Benigno, stipulanti et reccipienti nomine eiusdem loci, eandem rem deffendere, atestari, auctoriari, luere ac disbrigare ab omni hominum persona, in curia et extra, et da(m)pnum et expensas refficere, sub pena dupli dicti pretii et obligatione omnium bonorum eorumdem vendictorum, ad universa et singula capitula refferenda et totiens comittenda et solvenda quotiens in predictorum aliquo exstiterit contrafactum; qua soluta vel non, omnia singulariter singula et universaliter universa firmitate perpetua ponantur.

Acta sunt omnia supradicta in domo dictorum vendictorum, in presentia Simonis Guidutii, Bonoli Petti de Eugubio, Beneveniatis Tregoni, Francissci Phylippi et Simonis Silvane, testium ad hec rogatorum et vocatorum, sub annis, die et indictione predictis.

Ego Bartholus Iohannis Boni aule imperialis notarius hiis omnibus interfui et rogatus s(crip)si.