INSTRUMENTUM VENDITIONIS

[25 aprile 1276]

 

 

Documento 8

Fano. Zulitta, figlia del fu Uguccione de Pezolo e moglie di Zorzolo di Guido di Ugo, presente e consenziente il marito, vende all'eremo di Piaggiolino dell'ordine di S. Agostino, in persona di Servodeo priore, una pezza di terra sita nel territorio di Senigallia nella contrada di Piaggiolino in località detta Valleputida, al prezzo di sedici libbre ravennati e anconitane.

Originale, Roma, Coll. Germanico, Pergamene di F. Avellana n. 593 [A]; copia semplice del sec. XVII, ivi [B]. Su1 verso di A, di mano de1 sec. XIII-XIV: ‘Carta fratrum de Plazolino de terra e(m)pta a domina Ulitta (sic); altra annotazione tarda. Pergamena con lievi macchie.

 

 

A nativitate Domini, Dei nostri, millesimo CCLXXVI, t(em)por(e) domini Innocentii pape quinti, die quinto exeunt(is) aprilis, indic(tione) quarta, Fani, ante domum infrascripti Zorzoli, Presentibus Alevolo Zannis Friselli, Ugolino Clare et Zanne Brustengo et aliis testibus ad hec rogatis. Ego Zulitta, filia condam Uguitonis de Pezolo et uxor nunc Zorzoli Guidonis Ugonis, presente, volente et consentiente dicto Zorzolo viro meo et confitente rem infrascriptam dotalem non esse nec in dotem habuisse, pure, libere, et absolute, iure proprio, im perpetuum, do et vendo atque trado vobis fratre Servidei prioris loci et fratrum de Plazulino ordinis sancti Agustini, recipienti nomine dicti loci et dictorum fratrum, totam unam petiam terre posite in territorio Senogalie in regione Plazulini, in loco qui dicitur Vallis Puthe, infra hec latera: a primo latere ipsi fratres, a secundo, a tertio et a quarto dominus Artrottus vel si qua alia sunt dicte rei latera veriora, cum introitu et exitu suo et cum omnibus aliis suis pertinentiis et utilitatibus infra se, supra se seu intra se habentibus et sibi pertinentibus in integrum: ad habendum, tenendum, fruendum, lucrandum, vendemdum, alienamdum et quicquid vobis vestrisque sucessoribus deinceps placuerit perpetuo fatiendum, dans vobis licentiam, tenutam et corporalem poss(essionem) dicte rei adpre(n)dere vestra auctoritate, quandocu(m)que volueritis, et interim constituo me dictam rem vestro nomine possidere, nulla reservatione de predicta re in me vel in meos heredes facta. Ideo vobis dedi et vemdidi atque tradidi rem predictam, quia nomine pretii et pro pretio dicte rei m(ih)i dedistis, solvistis et tradidistis sedecim libras R(avennates) et Anc(onitanas); quod pretium totum apud me a vobis habere confiteor, renu(m)tiando exceptioni non habiti, non soluti, non numerati, non recepti et non traditi m(ih)i dicti pretii et exceptioni doli et inficentium et omni alii legum auxilio et illi legi que c(om)petit, deceptis ultra dimidiam iusti pretii; et quod plus valet res dicta pretio vel valebit totum vobis, recipienti nomine dicti loci et dictorum fratrum vestrorumque sucessorum, do et dono, pure, libere, sinpliciter et inrevocabiliter inter vivos; quam rem promitto vobis, recipienti nomine dicti loci et dictorum fratrum vestrorumque sucessorum, habere licere, et dolum, malum abesse et abfuturum que esse, et eam rem vobis legittime defendere et auctoriare, luere et disbrigare, liberam et expeditam facere ab omni persona hominum et universitate in iuditio, arbitrio et extra, omnemque da(m)pnum litis vel expensas vobis et vestris sucessoribus dare et reficere promitto in curiam et extra.

Que omnia s(uprascript)a singulariter singula et universaliter universa in singulis capitulis promitto ego dicta Zulicta ve(m)ditris, per me et meos heredes et sucessores et omnes a me ius et causam habentes vel habituros, vobis dicto fratre Servidei prioris, rencipienti nomine et vice dicti loci et dictorum fratrum vestrorumque sucessorum, adtendere et observare et non in aliquo contravenire, sub pena dupli dicti pretii et obligatione meorum bonorum omnium, presentium et futurorum, in omnia vestro nomine vestrorumque sucessorum me constituo possidere; et pena soluta vel non, rato manente contractu. Et ad maiorem rei firmitatem, iuro corporaliter ego dicta Zulitta ve(m)ditris, tactis a me sacrosanctis evangeliis, predictam vemdictionem et omnia que superius leguntur firma et rata im perpetuum tenere et non in aliquo contravenire ocasione minoris pretii vel non legittime soluti vel non conversi in meam utilitatem vel alia qualibet ocasione excogitata vel que excogitari possit.

Et insuper ego dictus Zorzolus, vir dicte Zulitte ve(m)ditris, presente, volente et consentiente Guidone patre meo et m(ih)i licentiam tribuente omnia infradicenda fatiendi et promittendi dicte vemdictioni, presens interfui, volui et consensi omnibus et singulis suprascriptis; promittendo etiam per me meosque heredes et sucessores et omnes a me ius et causam habentes vel habituros, vobis predicto fratre Servidei prioris, recipienti nomine dicti loci et dictorum fratrum vestrorumque sucessorum, dictam rem legittime defendere et auct(oriare), luere et disbrigare, liberam et expeditam facere ab omni persona hominum et universitate in curia et extra et in iuditio et arbitrio, promittendo dolum, malum abesse abfuturumque esse et da(m)pna et expensas reficere, sub dicta pena et obligatione meorum bonorum, que vestro nomine vestrorumque sucessorum me constituo possidere; et pena soluta vel non, rata maneant omnia et singula s(uprascript)a.

Ego Dominicus Fuscoli notarius, rogatus s(crip)s(i).