Mandatum procurationis Iacomelli Clerici

[1251]

 

Archivio Commun. Eugub., busta 55, perg. originale

 

 

 

In nomine Christi. Amen. Anno Domini Millesimo ducentesimo quinquagesimo primo, Indictione nona, Eugubii, tempore dni. Innocentii Pape quarti, vacante imperio, ut dicitur, die undecimo intrante Iunio. Iacomellus Clerici Marie Fregie, affirmando se verbotenus per Deum esse maiorem vigintiquinque annorum, fecit, constituit et ordinavit Bentevengam Boniohannis, presentem, suum legitimum procuratorem ad dandam et tradendam tenutam et possessionem suorum bonorum, que bona ipse Iacomellus donavit fratri Bonaparti et fratri Accurimbono, recipientibus nomine loci S.ti Augustini de Eugubio, ut continetur in carta scripta manu Mercati Rainaldi, notarii infrascripti, Sindico dicti loci, et ad mictendum et inducendum sindicum loci predicti in possessionem et tenutam dictorum bonorum nominatorum in instrumento scripto manu dicti Mercati, et quicquid inde fecerit dictus Bentevenga ratum et firmum habere promisit et non contra venire aliqua occasione.

Actum est in loco S.ti Augustini de Eugubio, presentibus testibus ad hec vocatis, scilicet: d.no Deotaiute Peri, Cavalutio Brunelli, Bentevenga Iacobo Iacobi Gualterii et Maximiano domini Deotaiuti.

Ego Mercatus Rainaldi, imperiali auctoritate notarius his omnibus interfui et, ut supra legitur, rogatus scripsi et autenticavi atque complevi et meum signum * apposui.