Mandatum procurationis Fratrum S.ti Augustini

[1251]

 

Archivio Commun. Eugub., busta 55, perg. originale

 

 

 

In nomine Christi. Amen. Anno Domini Millesimo ducentesimo quinquagesimo primo, indictione nona, Eugubii, tempore dni. Innocentii Pape quarti, et vacante imperio, ut dicitur, die undecimo intrante mense Iunio. Frater Bonaparte, prior sive guardianus loci S.ti Augustini de Eugubio et frater Accurrimbonus de Eugubio, eiusdem loci, et quilibet eorum insolidum, et nomine fratris Iohannis de S.to Vito de Ravegnana, fratris Iohannis presbiteri, olim de Mutignano, fratris Bondi ... fratris Columbi de Eugubio, fratris Benvenuti de Cingulo, fratris Accurrimboni de Eugubio et fratris Benvenuti de Montecosero, constituerunt et ordinaverunt atque creaverunt Cavalutium Brunelli et d.num Deotaiutem Peri, presentes, sindicos Collegii eorumdem fratrum et dicti loci S.ti Augustini de Eugubio ad recipiendum possessionem bonorum, que fuerunt Iacomelli Clerici etc.

Actum est hoc in loco S.ti Augustini de Eugubio, presentibus Iacobo Iacobi Gualterii et Maximiano domini Deotaiuti, qui huius rei rogati et vocati interfuerunt testes.

Ego Mercatus Rainaldi, imperiali auctoritate notarius his omnibus interfui et, ut supra legitur, rogatus scripsi et autenticavi atque complevi et meum signum * apposui.