Mandatum procurationis factum per Conventum Rusticho Mariani pro solutione pretii terreni venditi per Riccham Andreae et filios eius

[1254]

 

Codice Eugubino, fol. 20 1254

 

 

 

In Nomine Christi. Amen. Anno Domini Millesimo ducentesimo quinquagesimo quarto, Indictione XII, tempore dni. Innocentii Pape quarti, die XIIII exeunte mense septembris, in loco S.ti Augustini de Eugubio, presentibus Archolano Bonahore, Bono Vitalis, Mancia Iunteli, Ugolino Benemolli, Salvutio Venutoli et Ventura Bonacursi Iacobi testibus. Frater Raynaldus de Santo Angelo in Pantani (sic) de Ordine heremitarum de Brictinis, Custos sive prior loci santi Augustini de Eugubio, cum voluntate et consensu suorum fratrum, scilicet: fratris Iacobi de Offida, fratris Marci de Monte Rubiano, fratris Mathei de Monte Rubiano, fratris Iacobi de Monte Rubiano, fratris Raynaldi de S.to Angelo, fratris Stephani de Monte Sancto, fratris Iacobi de Monte Sancto, fratris Iacobi de Iteranno et fratris Bonaparte de Sancto Angelo et fratris Actonis de Camerino et fratris Luce de Mevanio, fecit et constituit atque creavit Rustichum Mariani, presentem et mandatum per gratiam suscipientem, eorum et dicti loci Syndicum legitimum ad promictendum et promissionem faciendam domine Ricche Andree, tutrici Tomassolli et Isole, et Agnesi et Andrutio, filiis quondam Iacobi Tedeschi, pretium terreni vineati et vacui et domorum positarum in plageis montis Ghoreggi, quas predicta domina Riccha, tutorio nomine predictorum, et predicta Agnes et dictus Andrutius vendiderunt predicto fratri Raynaldo, priori dicti loci, ut in carta emptionis dictarum rerum scripta manu Merchati infrascripti notarii continetur, et ad faciendum solutionem pretii dictarum rerum predicte d.ne Ricche, tutrici predictorum pupillorum Tomassoli et Isole, tutorio nomine ipsorum, et dicte Agnesi et dicto Andrutio, et ad recipiendum ab eis cartam sive cartas finitionum, confessionum et quietatonum de pecunia eis soluta et solvenda occasione pretii dictarum rerum etc. ita tamen quod dictus Syndicus nullam promissionem facere debeat sine consensu et presentia dicti fratris Raynaldi, prioris dicti loci.

Et Ego Merchatus Raynaldi, notarius, hiis omnibus interfui et predicta rogatus scripssi et autenticavi et meum Signum apposui.