Instrumentum solutionis partis pretii terreni venditi per Riccham Andreae et eius filios

[1254]

 

Codice Eugubino, fol. 20 1254

 

 

 

In Nomine Christi. Amen. Anno Domini Millesimo ducentesimo quinquagesimo quarto, Indictione XII, tempore dni. Innocentii Pape quarti, die XIIII exeunte mense septembris, in vico Griçonie, ante domum filiorum Iacobi Todeschi, presentibus fratre Raynaldo de Sancto Angelo in Pantano, Iacobo de Offida, Simone Marçole, Raynerio Andree, Ventura Bonacursi et Maynecto Andree Ghibaldi, testibus rogatis.

Domina Riccha Andree, tutrix Tomassoli et Isola Iacobi Todeschi, tutorio nomine ipsorum, et Agnese et Andreutius, filii Iacobi Todeschi, habuerunt et receperunt, coram notario et testibus, a Rusticho Mariani, Syndico loci et fratrum S.ti Augustini de Eugubio, Quadraginta libras bonorum denariorum Ravennatorum et Anconitanorum, que pecunia fuit eis a dicto Syndico numerata et tradita coram me notario et testibus suprascriptis, solvente de pecunia loci S.ti Augustini. Renuntians exceptioni non numerate pecunie et omni alii legum auxilio.

Que pecunia fuit de summa pretii vinee sive tereni vineati et vacui cum domibus et torcularibus existentibus in dicta vinea et iuxta ipsum terenum vineatum et vacuum, positum in plageis montis Ghoregii, fines ab uno latere etc ., quas res infra dictos fines predicta d.na Riccha, nomine dictorum pupillorum, et dicta Agnese et Andrutius, nomine eorum, vendiderunt fratri Raynaldo de S.to Angnolo in Pantani, Custodi sive priori loci et fratrum S.ti Augustini de Eugubio, ut continetur in carta scripta manu Merchati Raynaldi, notarii infrascripti. Unde finiverunt, quietaverunt, remiserunt etc. dicto Rusticho etc.

Et Ego Merchatus Raynaldi, notarius, hiis omnibus interfui et predicta rogatus scripssi et autenticavi et meum signum apposui.