Aliud instrumentum solutionis partis pretii eiusdem terreni

[1255]

 

Codice Eugubino, fol. 30-31

 

 

 

In Nomine Christi. Amen. Anno Domini Millesimo ducentesimo quinquagesimo quinto, Indictione XIII, tempore d.ni Aleçandri Pape quarti, die VII exeunte mense Iulii. In loco S.ti Augustini de Eugubio, presentibus fratre [sine nomine] de Eugubio, priore dicti loci, fratre Iohanne de Offida, fratre Iohanne de Murignano, Raynerio Andree, Andrea Benedectoli, Deotaiute Ugolini, Petro Iuntoli et Alevolo Bandese, testibus rogatis.

Domina Riccha Andree, tutrix Thomassoli et Isole, filiorum suorum et quondam Iacobi Todeschi, tutorio nomine ipsorum pupillorum, et recipiens pro ipsis pupillis et nomine ipsorum et pro Agnese et Andrutio, filiis suis et dicti Iacobi, confitetur habetur (sic) et plene et integre solutam et sibi satisfactum fore a Rusticho Mariani, syndico fratrum et loci S.ti Augustini, solvente de pecunia dicti loci, de tredecim libris minus VI sol. Ravennatum et Anconit. de residuo pretii vinee, sive tereni vineati et vacui, positi in plageis montis Goregii, fines etc., quam rem predicta d.na Riccha, nomine etc. vendiderunt fratri Raynaldo de S.to Angelo in Pantani, Custodi sive olim priori dicti loci, ut continetur in carta emptionis ipsarum rerum scripta manu Mercati Raynaldi notarii infrascripti, et etiam continetur in carta promissionis summe pretii dicte rey, scripta manu dicti Merchati Raynaldi, notarii. Renunptians etc.

Ego Merchatus Raynaldi, notarius, hiis omnibus interfui et predicta rogatus scripsi et autenticavi et meum signum apposui.