Mandatum procurationis factum Florense Petri

[1263]

 

Codice Eugubino, fol. 20v-21 

 

 

 

In Nomine Christi. Amen. Anno Domini Millesimo ducentesimo LXIII, tempore d.ni Urbani Pape quarti, Indictione VI, die XIIII intrante novombre.

Frater Deodatus, prior fratrum loci santi Augustini de Eugubio, una cum confratribus suis, scilicet: fratre Donato, fratre Deotacomando, fratre Angelo, fratre Ventura et fratre Mauro, et ipsi fratres fecerunt, constituerunt, ordinaverunt atque creaverunt Florense Petri, presentem et suspicientem, syndicum et procuratorem legitimum eorum et dicti loci ad recipiendum ab Abbate et conventu Monasterii S.ti Petri de Eugubio in emphiteosim terenum vineatum et invineatum positum in pede montis et in plagea montis Ghoreggi, cuius fines sunt hii: a primo, scilicet de supter, strada; a secundo, scilicet a latere orientis, via et Cerbasius domini Stantinoli, et a capite, via; a quarto, Benencasa Bentevogli, calçolarius, et Blagiolus Fidantie, Gilius Calçolarius et Petrus Bonaiute; ab alio latere, flumen Cavarelli, filii Simonis Germani, Bove Engrande, filii Martini Blancie et filii Tomassi Iacopi, infra quos fines possidet Iunta Laurentii et Bentivoglius Siverii; et ad promictendum annuam pensionem pro rebus predictis dicto Abbati, pro se, suisque successoribus recipienti, et ad ipsam pensionem solvendam et quicquid dictus syndicus in predictis fecerit et quolibet predictorum firmum et ratum habere promiserunt dicti fratres, nec in aliquo contravenire, sub ypotecha bonorum dicti loci.

Actum est hoc in Civitate Eugubii, in Claustro dicti Monasterii, presentibus testibus domino Iacobo Bobarionis, Petrutio Bonacursi, Uguiccione Corbelli, Iacobo Raynerii et Bernardo Norario.

Et Ego Angelus Ugolini notarius, predictis interfui rogatus, scripsi et autenticavi.