Venditio terreni facta Conventui per Benentesum ac Bertoldum Thomassi et Gocium ac Uguicionem Martini

[10 ottobre 1266]

 

Codice Eugubino, fol. 23v-24

 

 

 

In Nomine Dei eterni. Amen. Anno eiusdem a Nativitate millesimo ducentesimo sexagesimo sexto, tempore domini Clementis Pape quarti, Indictione decima, die decima intrante octobre.

Bonentesus et Bretoldus Thomassi et Gocius et Uguicion Martini, scilicet Bonentesus et Bretoldus pro eorum re, quilibet eorum principaliter et in solidum, et Gotius et Uguicion, quilibet eorum principaliter et in solidum pro eorum re, per se, suosque heredes, vendunt, dant et concedunt, salva pensione Monasterio S.ti Petri, cuius est proprium, Bernardo Iontoli notario, Syndico et procuratori loci S.ti Augustini de Eugubio, ut constat per instrumentum scriptum per Petrum Salinguerre notarium, recipienti et stipulanti nomine dicti loci S.ti Augustini, videlicet: Benentesus et Bretoldus VIII tabulas et vitam. Sextam partem alterius tabule tereni et capannam existentem in dicto terreno, et Uguicion et Gocius VII tabulas et dimidiam et XXII pedes eorum tereni et hedificium domus eorum, quod terenum positum est extra murum cirche Civitatis Eugubii, iusta flumen Cavarelli, fines cuius hii sunt: a primo strata; a secundo flumen; a tertio Sabbatutius et Ricchola Accurroli Martini, et a quarto res dicti loci, vel siqui alii sunt confines, cum omnibus, que super se et infra se habet, et cum accessoribus et egressibus suis, omnique iure et actione, usu seu requisitione eis, vel cuilibet eorum competenti vel competituro, ad habendum, tenendum, possidendum et quicquid sibi, syndico et fratribus dicti loci, nomine dicti loci, placuerit facere, utiliter et directe. Quod terenum d.nus Aymericus, dicte Civitatis Eugubii Potestas et rector populi eiusdem Civitatis, tenebantur vendi facere Syndico vel fratribus dicti loci S.ti Augustini ex forma Capituli Constituti eiusdem Civitatis. Unde dicti Bonentesus et Bretoldus confitentur recepisse et habuisse, in pretium et pro pretio eorum tereni et capanne, a Maurino Foschepti, datiali Comunis Eugubii triginta unam libram et undecim solidos et octo denarios Raven. et Anconit., et dicti Gocius et Uguicion confitentur, et est verum, se recepisse et habuisse ab Accursutio Petrutii, datiali dicti Comunis, dante et solvente nomine dicti Comunis Eugubii, vigintinovem libras et quindecim solidos denariorum Raven. et Anconit., summa quorum pretiorum est librarum LXI, sol. VI et den. VIII. Renumptiantes etc.

Actum est hoc in pallatio Comunis Eugubii, presentibus d.no Aymerico, Potestate Eugubii, et Baruccio, precone populi eiusdem Comunis, d.no Arçuffo, Iudice Comunis eiusdem, d.no Albrico Guidonis Iudice et Pagnone, notario Potestatis, et Uguccione Iacobi, et aliis pluribus testibus ad hec vocatis.

Et Ego Rodulfus, Imperialis aule notarius et nunc Comunis Eugubii, hiis omnibus, ut supra legitur, interfui, rogatus scripsi et publicavi.