Instrumentum donationis unius vineae factae per Commune Civitatis Eugubii Conventui Fratrum Eremitarum S. Augustini eiusdem Civitatis

[1271]

 

Archiv. Commun. Eugub., busta 55, originale pergamena

 

 

 

In nomine Christi. Amen. Anno Domini Millesinio ducentesimo septuagesimo primo, Apostolica Sede vacante pastore, die duodecimo mensis aprilis, quartedecime Undictionis (sic). Actum in vinea infrascripte ecclesie, sive loci, iuxta dictam ecclesiam constituta, presentibus testibus ad infrascripta rogatis et vocatis Iacobello Bernardi, Morandolo Rainerii, Mantia Ianuarii, Massutio Iovagnoli et Bruno Benvenuti. Andrutius Raynerii Petri, Syndicus Communis Eugubii, ad hec legitime creatus et constitutus, donationis titulo et amore Dei omnipotentis, dedit, tradidit et concessit Benedicto Iomteli Syndico ecclesie seu loci et capituli Sti. Augustini extra muros Civitatis Eugubii constituti, recipienti et stipulanti syndicario nomine dicti loci, et fratri Iohanni, priori dicti loci, stipulanti et recipienti nomine dicte ecclesie, sive loci, exequendo dictus donator formam Capituli Communis Civitatis Eugubii et preceptum sibi factum a d.no Sençanome, potestate Eugubii, scriptum manu Rainerii Accoramboni (?), notarii, unam vineam positam in plagiis Montis Goregii, quam dictus Andrutius, Syndicus Communis Eugubii, syndicario nomine dicti Communis, emit a Iunta Laurentii; que vinea, ut dicunt ipsi contrahentes, sita est infra fines (contentos vel expressos in) Instrumento ipsius emptionis, scripto manu dicti Rainerii, notarii, ad habendum, tenendum et possidendum et quicquid sibi et dicte ecclesie, sive loco, deinceps placuerit perpetuo faciendum, cum predictis eius finibus vel alii, si quos habet, et cum introitu et exitu suo, suisque pertinentiis omnibus, et cum omni eo quod super se et infra seu intra se dicta res habet in integrum, omnique iure et actione, usu seu requisitione sibi ex ea vel pro ea re aliquo modo pertinente sive spectante.

Et constituit se rem predictam, ipsorum prioris et Syndici dicte ecclesie, sive loci, precario nomine etc.

Et promisit per solempnem stipulationem etc. defendere et guarentare etc., sub pena dupli rei predicte, solempniter dari promissa etc. sub obbigatione bonorum Communis Eugubii.

Et Ego Petrus, sacro sancte Romae Ecclesie auctoritate notarius, hiis omnibus interfui, rogatus scripsi et publicavi.