Il convento di Gubbio acquista terreni da Petrutius Longi

[4 ottobre 1278]

 

Codice Eugubino, fol. 26

 

 

 

In Nomine Christi. Amen. Sub anno a nativitate Domini Millesimo ducentesimo septuagesimo optavo (sic), tempore dni. Nicolay Pape tertii, die quarto mensis octubris, VI Indictionis.

Actum Eugubii, in Camera Palatii Comunis, presentibus testibus ad infrascripta rogatis et vocatis Ventura Baffono, Accursutio Petrutii, domino Pero et domino Guidone, Iudicibus Potestatis Eugubii, Manente Sabbatini, Brunello Iohannis et domino Matheo, notario Potestatis. Petrutius, Bonaiunte Longi olim filius, salvo jure pensionis Monasterio Sti. Petri de Eugubio, cuius est proprietas rei infrascripte, vendidit, tradidit et concessit Andree Raynerii Syndico et Procuratori Prioris et Capituli ecclesie sive loci fratrum Sti. Augustini extra muros Civitatis Eugubii constituti, recipienti et stipulanti nomine dicte ecclesie sive loci, triginta Tabulas de vinea ipsius Petri, sita in plageis montis Ghoregii, contiguas vinee dicte ecclesie, fines quarum triginta tabularum sunt hii: a duobus, dicta ecclesia; a tertio, via; a quarto, idem Petrus rem ab ista divisam; ad habendum, tenendum et possidendum et quicquid ipsi ecclesie sive loco deinceps placuerit perpetuo faciendum, cum predictis earum finibus et alios, siquos habent, et cum introitu et exitu suo, suisque pertinentiis omnibus, et cum omni eo quod super se et infra seu intra se dicte res, scilicet, dicte triginta tabule vinee habent, in integrum, omnique jure et actione, usu seu requisitione, sibi ex ea vel pro ea re aliquo modo pertinente sive spectante, pro pretio sexaginta librarum bonorum denariorum Raven. et Anconit., quod pretium totum confitetur dictus venditor se habuisse et recepisse a Thomasio, Camerario Comunis Eugubii, dante et solvente de mandato domini Tadey, Capitanei populi Civitatis Eugubii.

Que triginta tabule dicte vinee debebant emi de pecunia Communis Eugubii et dari pro Comuni dicte ecclesie sive loco, secundum formam Capituli constituti Civitatis Eugubii et secundum deliberationem VII Virorum dudum ad hec per Comunem Eugubii specialiter statutorum.

Quam rem venditam constituit dictus venditor, ipsius emptoris nomine, possidere, donec, etc.

Et ergo Petrus Salinguerre de Eugubio, Sacrosancte Romane Ecclesie auctoritate notarius, hiis omnibus interfui, rogatus scripsi et publicavi.