Capitulum Conventus S.ti Augustini Eugubii concedit fratribus Guidoni et Corradutio de Eugubio omne ius, omnemque actionem, etc. quod et quam conventus praefatus habet vel in futurum habere possit in bonis et possessionibus etc. Mantie Alberti, patris dictorum fratrum, et Monetae ac Margaritae, eorundem matris et sororis respective

[17 giugno 1283]

 

Archiv. Commun. Eugub., busta 60, originale pergamenaceo

 

 

 

In nomine Christi. Amen. Anno Domini a nativitate eiusdem Millesimo ducentesimo optuagesimo (sic) tertio, tempore d.ni Martini Pape quarti, Indictione undecima Eugubii, die decima septima incipientis mensis junii. Frater Deodatus, prior loci Sti. Augustini de Eugubio, cum voluntate et expresso consensu suorum fratrum, scilicet; fratris Iohannis, lectoris; fratris Iohannis d.ni Rannutii, fratris Petri de Eugubio, fratris Andree de Fano, fratris Ajuntelli de Castello, fratris Angeli de Marchia, fratris Philippi de Cingulo, fratris Mathie de Pergula, fratris Cambii et Ali. (?), fratris Petri, fratris Thomasii de Fulgineo, fratris Leonardi de Urbeveteri et fratris Andree de Eugubio, et Capitulum totum ipsius loci una cum dicto priore, et dictus prior cum eisdem fratribus et capitulo, unanimiter et concorditer, dederunt, tradiderunt, concesserunt et mandaverunt fratribus Guidoni et Coradutio, olim Mantie Alberti de Eugubio, dicti Ordinis Sti. Augustini, omnes jus, omnemque actionem, rationem, exceptionem et persecutionem, realem, personalem, generalem et specialem, utilem et diremptam (sic), seu quoquomodo mixtam, quod et quam ipse locus Sti. Augustini et fratres et Capitulum ipsius loci habent vel in futurum habere possint seu sperant habere in bonis et possessionibus, redditibus et juribus olim Mantie Alberti, olim patris ipsorum fratrum Guidonis et Coradutii, et filie sue Margarite et d.ne Monete, matris eorundem fratrum et olim uxoris dicti Mantie... pro inveniendis et emendis libris necessariis ipsis fratribus pro sapientia capiscenda; ponentes dictus Prior et fratres predicti dicti loci Sti. Augustini et Capitulum ipsius loci dictos fratres Guidonem et Coradutium in locum ipsorum et dicti loci etc.

Actum est hoc in Civitate Eugubii, apud locum Sancti Augustini de Eugubio, in claustro dicti loci, presentibus etc.