Andreas Raynerii Petri vendit conventui unam vineam

[16 ottobre 1286]

 

Archiv. Communis Eugubii, Capsa 59, membran. orig. Cod. Eugub., fol. 27

 

 

 

In Nomine Christi. Amen. Anno Domini Millesimo ducentesimo optuagesimo VI, Indictione XIIII, tempore d.ni Honorii Pape quarti. Actum Eugubii, die mercurii, XVI mensis octubris, in palatio populi Civitatis Eugubii, presentibus domno Guelfo de Lonbrice de Lucha, priore artium et populi dicte Civitatis, domino Bulliono domini Caci, domino Gligensio Recloli, domino Corado domini Thiberii et Iacomello Dominici, qui alias Vrima vocatur, testibus vocatis et rogatis. Andreas Raynerii Petri, per se et suos heredes, salva pensione Monasterii Sti. Petri Eugubii, cuius est proprietas, vendidit, dedit et concessit Religioso viro fratri Iohanni domini Raynutii, priori fratrum Sti. Augustini de Eugubio, recipienti et stipulanti nomine et vice ipsius loci et pro ipso loco et Capitulo et Conventu ipsius loci, unam vineam positam prope locum predictorum fratrum, in plageis montis Ghoregii. Fines ipsius vinee sunt hii: a primo, via; a secundo et a tertio, res ipsius loci, Scaltritus Iohannis, vel siquos alios aut plures fines hahet, cum intioitu et exitu suo et cum omnibus suis pertinentis et cum omnibus, que supra se et infra se habet in integrum, omnique jure et actione, usu seu requisitione sibi ex ea re vel pro ea re modo aliquo pertinente sive spectante, ad habendum, tenendum, possidendum et quicquid dicto priori et ipso loco et suis successoribus deinceps placuerit perpetuo faciendum, pro pretio et nomine pretii triginta librarum denariorum, Raven. et Anconit.

Quod pretium totum ab ipso priore, dante et solvente pro dicto loco, habuisse et recepisse confessus fuit. Exceptioni non habiti etc.

Et ego Petrus Merchati, Imperiali auctoritate Judex et Notarius, predictis omnibus interfui, rogatus scripsi et publicavi.