Permutatio vineae

[5 novembre 1302]

 

Cod. Eugub., fol. 31v-33

 

 

 

In nomine Christi. Amen. Anno Domini Millesimo CCC secundo, Indictione XV, tempore dni. Bonifacii Pape octavi, die quinta novembris in Claustro loci fratrum Sti. Augustini, presentibus Ugolino Ugolini, Putio Petrutii, Andrea Francisci, Putio Bevenuti et Andrutio Bevenuti testibus. Massolus Schaltriti, de quarterio Sancti Andree, salva pensione Monasterii Sti. Petri de Eugubio, cuius est proprium, titulo permutationis et cambii, dedit, tradidit et concessit fratri Bartolo de Vescio, Syndico et procuratori fratrum et loci Sti. Augustini, stipulanti et recipienti syndicario et procuratorio nomine dicti loci, ut constat de Syndicatu manu mei notarii infrascripti, et pro ipso loco, unam vineam positam in plageis montis ghoregii, fines cuius a duobus lateribus vie; a tertio, res Monasterii supradicti; et a quarto, res fratrum loci iam dicti; infra hos fines, vel alios, si quos habet, cum introytu et exitu suo et cum omnibus suis pertinentiis et cum omnibus et singulis, que super se seu infra se habet in integrum, et cum omni jure et actione, usu seu requisitione, sibi ex ea re vel pro ea re aliquo modo pertinente sive spectante; ad habendum, tenendum ac possidendum et quicquid ipsi loco, vel cui concesserit deinceps placuerit perpetuo faciendum. Quam rem constituit se dictus Massolus pro ipso loco et eius nomine possidere, donec in possessionem ipsius rey intraverit corporalem, in quam intrandi et retinendi et quicquid ipsi loco et cui concesserit placuerit perpetuo faciendi, plenam licentiam et libera potestatem ipsi syndico, syndicario nominequo supra, dictus Massolus contulit atque dedit, qua ora sibi placuerit, sua auctoritate ... (1) sine aliqua pena legis et statuti vel ordinamenti facti vel faciendi, et sine contradictione alicuius, et de ipsa re nullam de cetero questionem facere vel inferre, nec inferenti consentire; sed promisit dictus Syndicus.

Syndicario et procuratorio nomine quo supra, eidem Massolo, recipienti pro se et suis heredibus, vel cui concesserit, ipsam rem ab omni persona et universitate et in omni loco et curia, perpetuo et legitime defendere et guarentare, jure et usu, omnibus dicti loci pingnoribus et expensis... et liti se offerre et dicti loci expensis et periculo litigare et libr. Centum bonorum denariorum Ravennat. et Anc., quod confessus fuit idem Massolus a predicto Syndico, dante et solvente nomine dicti loci, habuisse et recepisse pro melioramento facto de vinea data per ipsum Massolum ipsi Syndico, prout superius plene declaratur. Quam quidem permutationem et cambium et omnia et singula supradicta promiserunt inter se dicte partes habere perpetuo rata et firma (et rata) et firma adtendere et observare facere adimplere et non contra venire aliqua accione vel exceptione et sub pena X libr. R. inter ipsam partes vicissim solempni stipulatione promisserunt. Qua soluta vel non, rata maneant atque firma omnia et singula supradicta, sub obligatione bonorum dicti loci et Massoli supradicti. Et insuper, die predicta loco et presentibus testibus Ugolino Ugolini et Aldemutio Arlocti, Faba Fumi, de quarterio Sti. Andree, omnibus et singulis supradictis consensit et ea ratificavit et approbavit et confirmavit et pro bonis et iustis que confessus fuit a predicto loco habuisse et recepisse secundum leges, dedit et donavit irrevocabiliter inter vivos supradicto syndico, syndicario nomine quo supra recipienti et pro ipso loco omne jus et actionem et rationem utilem et directam, etc. quod et quas ipse Faba, habebat vel habere poterat qualicumque de causa, in supradicta re data et concessa per supradictum Massolum dicto Syndico, ut plene superius est expressum et renumptiavit etc. Item, sub dictis annis Domini, tempore et indictione, die VI mensis supradicti, presentibus Putio Agure et Vanne Francisci, testibus.

Massolus supradictus immisit et induxit supradictum syndicum in corporalem tenutam et possessionem vinee date per eum in cambium Syndico prelibato, dando eidem Syndico de terra dicte vinee, de sciarmentis vitis ipsius vinee et ramis olivarum in ea existentium.

Et Ego Andrutius Marci, Imperiali auctoritate notarius, hiis omnibus interfui et ut supra legitur rogatus scripsi et auctenticavi et meum singnum apposui.

 

 

(1) Fol. 31v terminatur verbis "sua auctoritate" et tenor instrumenti mutilatus evenit, nam quae in fol. 32 sequuntur, quamvis ipsi pertineant, cum prius scriptis non conveniunt. Haud dubio, unum folium deest. In fol. 12 eiusd. Cod. haec sunt scripta, quae, aliquo modo, pro deficientibus stare possunt. "Item. Instrumentum permutationis cuiusdam vinee, posite in revetolo in vineam supradictam facto fratri Bartolo Syndico, per Massolum Scaltriti, de quart. S. Andree, salva pensione Monasterii Sti. Petri de Eug. prout apparet manu Andrutii Marchi, not.". Summarium a me factum ex instrumento originali, in Archivio Communis Eugubii asservato, sic se habet: Permutatio unius vineae. Anno Domini Millesimo CCC secundo, indictione XV, tempore d.ni Bonifacii Pape VIII, die V mensis novembris. Actum in claustro loci fratrum Sti. Augustini, presentibus Ugolino Ugolini, Putio Petrutii, Andrea Francisci, Putio Benvenuti, testibus etc. Massolus Scaltriti, de quarterio Sti. Andree, salva pensione Monasterii Sti. Petri de Eugubio, cuius est proprium, titulo permutationis et cambii, dedit, tradidit et concessit fratri Bartholo de Vescio, Syndico et procuratori fratrum et loci Sti. Augustini ... unam vineam positam in plagia Montis Goregii. Frater Bartholus de Vescio predictus, nomine fratrum et loci Sti. Augustini etc. salva pensione Monasterii Sti. Petri, cuius est proprium, dedit, tradidit et concessit predicto Massolo, pro ipsa re et loco ipsius unam vineam positam in Rovetolo, etc. Ego Andrutius Marci, Imperiali auctoritate notarius, hiis omnibus interfui et, ut supra legitur, rogatus scripsi et autenticavi et meum signum apposui.

(Archiv. Commun. Eugub. Busta 58, membran. origin.)