Concessio vineae cum oliveto, in emphyteusim, per Monasterium S.ti Petri de Eugubio

[27 giugno 1304]

 

Cod. Eugub., fol. 34

 

 

 

In Nomine Christi. Amen. Anno Domini Millesimo Tricentesimo quarto, Indictione secunda tempore domini Benedicti Pape XI, die XXVII mensis junii. Frater Nicolaus, Abbas Monasterii S.ti Petri de Eugubio, cum voluntate et consensu suorum confratrum, scilicet, domini Iohannis, domini Iacobi Conpangni, domini Bentevenne, domini Venture, domini Iohannis Angeli et domini Francisci Boneçi, Monacorum dicti Monasterii, per se, suosque successores, dedit, concessit et refirmavit in emphyteusim, Religioso viro fratri Bernardo Mariani, Ordinis Santi Augustini, Syndico et procuratori Prioris et fratrum et loci Sti. Augustini de Eugubio, ad infrascripta manu mei Notarii infrascripti legitime constituto, Syndacario et procuratorio nomine predictorum prioris, fratrum et loci recipiendi, et eorum successores, hinc ad XXVIIII annos proxime complendos, unam vineam cum oliveto, positam in monte Ghoregii, qui mons alias dicitur mons S.ti Augustini, fines cuius: a primo, via; a secundo, res dicti loci S.ti Augustini; a tertio, res dicti loci; et a quarto, res Monasterii supradicti; infra hos fines, vel siquos alios habet; cum introytibus et exitibus suis, suisque omnibus pertinentiis, ad habendum, possidendum, meliorandum, sed non alienandum nec permutandum nec etiam alicui parti capud ponendum ad dampnationem dicti Monasterii et possessionis, quam dicti Prior et fratres et locus habuerunt de dicta re, dictus Abbas dicto Syndico, nomine quo supra recipienti, confirmavit, eidem confitenti proprium ipsius rei esse dicti Monasterii, et ipsam rem pro dicto Monasterio, jure emphyteusis, in fine dicti temporis, in hac eadem forma renovare a dicto Abbate et dare eidem pro ipsa renovatione facienda octo libras bonorum denariorum Raven. et Anconit. Quam renovationem instrumenti dictus Abbas dicto Syndico facere promisit pro dicta quantitate pecunie, in forma predicta, in fine dicti temporis. Et dictam rem promisit dicto Syndico legitime defendere et guarentare contra omnes personas jure et usu, quia dictus Syndicus, syndicario nomine quo supra, pro pensione ipsius rey, dare et solvere promisit dicto Abbati, annuatim, in festo S.ti Petri de junio, sine gravamine commestionis, unum brachium candele ad modum et formam illarum candelarum, quas dicti fratres et locus dicto Monasterio dare tenentur. Et pro predicta refirmatione et pensione ipsius rey non soluta, confitetur dictus dompnus Iacobus, Monachus et Camerarius dicti Monasterii, a predicto Syndico habuisse et recepisse Centum solidos bonorum denariorum Raven. et Anconit., et ipsos fore conversos in utilitatem dicti Monasterii. Et dictus Abbas, renumptians etc.

Actum est hoc Eugubii, in claustro dicti Monasterii, presentibus fratre Scangno Johannis et Deotaleva Mathey, testibus.

Ego Angelus Iohannis, Imperiali auctoritate notarius, hiis omnibus interfui, rogatus scripsi et publicavi et meum singnum apposui.