Oblatio Petrucoli Bartholutii Benvegnate

[4 gennaio 1319]

 

Cod. Eugub., fol. 52

 

 

 

In nomine Christi. Amen. Anno Domini Millesimo Trecentesimo decimonono, Indictione secunda, tempore d.ni Iohannis Pape vicesimi secundi, die quarta mensis ianuarii, in ecclesia S.ti Augustini prope Eugubium, ante altare ipsius ecclesie, presentibus Vanne Francisci et Luminutia Ianty, testibus vocatis et rogatis. Petrucolus, filius Bartholutii Benvegnate de villa Petrorii, nomine conversionis et obtulationis, dedit et optulit (sic) se Deo et Beate Marie, eius Matri, ac Beato Augustino et fratri Bartholo, Priori dicti loci, pro ipso loco stipulanti, ac Ordini dictorum fratrum, et promisit eidem Priori hobedientiam et reverentiam Christo.

Postque ipse idem Prior predictum Petrucholum, stantem genuflexum ad pedes eiusdem prioris, ante dictum altare, humiliter et devote iunctis manibus, recepit ad officia et beneficia, que competunt et competere solent conversis et oblatis eiusdem loci et Ordinis supradicti, et eum pannis altaris eiusdem loci investivit.

Ego Simon Iacobi, Imperiali auctoritate Iudex ordinarius atque notarius, predictis adfui et ut supra rogatus subscripsi et publicavi.