Instrumentum professionis fratris Amatutii et fratris Thomasutii de Eugubio

[12 marzo 1339]

 

Archiv. Commun. Eugub., Busta 59. Pergamena originale

 

 

 

In nomine Domini. Amen. Anno eiusdem MCCC VIIII (1), Indictione septima, tempore d.ni Benedicti Pape XII, die XII mensis marcii. Actum Fulginii, in ecclesia loci fratrum heremitarum Ordinis S.ti Augustini, coram d.no Senibaldo, olim d.ni Mar..., Guarduro, olim d.ni Raynaldi, Ceridutio, olim d.ni Brancaleonis et pluribus aliis testibus ad infrascripta (vocatis et rogatis). Constituti frater Amatutius Bartholelli et frater Thomasutius Pusciarelli, de civitate Eugubii et de dicto Ordine, coram R.do viro fratre Mathiolo de Amelia, priore dicti loci fratrum heremitarum S.ti Augustini de Fulginio, in ecclesia ipsius loci supradicti, flessis (sic) genibus, habitum in ipsorum manibus habentes, asserentes se et ipse dominus prior ipsos uno anno et uno die in dicto Ordine continue proxime preteritis permansisse; in manibus ipsius domini prioris professionem fecerunt et alta voce, sponte et ex certa scientia promiserunt obedientiam et reverentiam ommipotenti Deo et Beate Marie semper Virgini et ipsi fratri Mathiolo, priori, presenti et stipulanti nomine et vice Generalis Prioris fratrum heremitarum dicti Ordinis S.ti Augustini, et successorum suorum; vivere sine proprio et in castitate, secundum Regulam Sti. Augustini, usque ad mortem ipsorum.

Et hoc facto, tunc ipsi frater Thomasutius et frater Amatutius a dicto priore et omnibus fratribus dicti loci, existentibus in ecclesia supradicta, pacis osculum receperunt. Et Ego Bonannus Angeli, Imperiali auctoritate Notarius et Judex ordinarius, predictis omnibus presens interfui et, ut supra dicitur, rogatus a dicto priore, scripsi et publicavi omnia supradicta.

 

 

(1) C'è un errore nella datazione, poiché il pontificato richiamato, sotto cui avvenne la scrittura dell'atto notarile avrebbe dovuto essere MCCCXXXVIIII (1339).