Instrumentum procurationis factum a fratribus Conventus S. Augustini Eugubii in personas fratrum Bonaventurae Angeli de Eugubio et Iustini de Narnia, Ordinis eiusdem

[11 aprile 1344]

 

Archiv. Commun. Eugub., Busta 58. Orig. perg. pergamena

 

 

 

In nomine Christi. Amen. Anno Domini Millesimo CCC XLIIII, Indictione XII, tempore d.ni Clementis Pape VI, die XI mensis Aprilis.

Actum extra Civitatem Eugubii, in Capitulo loci fratrum heremitarum S.ti Augustini, presentibus Dominico Macci, quarterii Sti. Andree, Mathiolo Cole et Vagnutio Gingini, de quarterio S.ti Petri Civitatis Eugubii, testibus ad hec habitis et vocatis. Convocato et congregato Capitulo loci et conventus fratrum heremitarum Sancti Augustini, siti extra muros Civitatis Eugubii, in capitulo dicti loci ad sonum campanelle, ut moris est, de mandato et voluntate Religiosi viri fratris Bonaventurae de Gualdo, prioris dicti loci; in quo quidem Capitulo interfuerunt dictus frater Bonaventura, prior; frater Petrus Marfe, lector; frater Laurentius de Cantheana, lector; frater Petrus Ranaldi de Perusio, frater Symon Marfe, subprior; frater Egidius, frater Innocentius, frater Laurentius de Eugubio; frater Antonius, frater Baldellus Alberghecti, frater Baldellus Iohannelli, frater Petrus Perusinus, frater Gabriel Angeli, frater Thomasutius de Gualdo; frater Aleçandrutius, frater Isaac, frater Andreas, frater Iacoputius de Eugubio; frater Bartholellus, fr. Petrus de Cassia, frater Iohannes de Cassia, frater Iohannutius de Cassia, frater Paulus Lelli, frater Thadeus Agurelle de Eugubio, frater Iacoputius de Montefalco, frater Boniovannes Gratioli de Eugubio, frater Ventura, frater Mathias, frater Angelus, frater Nicola, frater Marcutius, fratres conventuales dicti loci et conventus. Qui prior, cum voluntate et consensu dictorum Capituli et Conventus, et dicti fratres, Capitulum et Conventus, cum voluntate et consensu dicti prioris, et quilibet eorum, vice et nomine dicti loci, Capituli et Conventus, non revocando alios eorum et dicti Capituli et Conventus sindicos et procuratores, nec gesta per eos, sed potius confirmando, fecerunt, constituerunt, ordinaverunt et creaverunt eorum et dicti loci, Capituli et Conventus fratrem Bonaventuram Angeli de Eugubio et fratrem Iustinum de Narnia, fratres dicti Ordinis Sti. Augustini, absentes, tanquam presentes, et quemlibet eorum in solidum, ita quod non sit melior occupantis conditio, sed quod unus eorum inceperit, alter valeat prosequi et finire, suos veros et legitimos sindicos et procuratores, actores, factores, defensores et precipuos responsores in omnibus et singulis eorum et dicti loci, Capituli et Conventus causis et negotiis. Que et quas habent vel habere sperant cum d.no Thoma, Abbate Monasterii S. Marie de Alfiolo, Eugubine diocesis, et cum Puchello Baldelli de Eugubio, familiari dicti d.ni Abbatis, et cum Barnabutio Panelli de Eugubio, et cum Andrea Bartholutii, oblato dicti loci S.ti Augustini de Eugubio. Et generaliter, cum qualibet alia persona, loco, collegio et universitate, in Curia seu Curiis Civitatis Narnie, temporali et spirituali, et in Curia seu Curiis Civitatis Eugubii, temporali et spirituali, et in qualibet alia Curia, etc.

Ego Deotaiuti Mathioli de Eugubio, Imperiali auctoritate notarius publicus, predictis omnibus et singulis interfui et, prout legitur, rogatus, scripsi et publicavi.