Oblatio Philippi Iohannoli de Eugubio

[27 maggio 1344]

 

Archivio Commun. Eugub., busta 58, perg. originale

 

 

 

In nomine Christi. Amen. Anno Domini Millesimo Trecentesimo quadragesimo quarto, Indictione duodecima, tempore domini Clementis Pape sexti, die XXVII mensis Maii.

Philippus Iohannoli de Civitate Eugubii, quarterii S.ti Petri, nomine conversionis et obtulitionis (sic), dedit et obtulit se Deo et beate Marie, eius Matri, ac beato Augustino et fratri Simoni, subpriori dicti loci, pro ipso loco stipulanti, ac Ordini dictorum fratrum et promisit eidem subpriori hobedientiam (sic), paupertatem, castitatem et reverentiam perpetuo. Post que ipse idem Subprior predictum Philippum, stantem genuflexum ad pedes eiusdem Subprioris ante altarem (sic) dicti loci humiliter et devote, iunctis manibus, recepit ad officia et beneficia, que competunt et competere solent conversis et oblatis eiusdem loci et Ordinis supradicti, et cum pannis altaris eiusdem loci investivit. Actum prope Civitatem Eugubii, apud locum S.ti Augustini, ante altare ipsius ecclesie, presentibus Andrucciolo Vagnoli de Villa Galvane et ..., testibus ad hec vocatis, habitis et rogatis. Et Ego Iohannes Adam Bocatii de Eugubio, Imperiali auctoritate notarius et Iudex ordinarius, predictis omnnibus interfui.

Rogatus scripsi et publicavi et meum signum apposui consuetum.