Particula testamenti Dominae Rocciolae, matris fratris Ambrosii Benencase

[7 agosto 1348]

 

Archivio Commun. Eugub., busta 58, perg. originale

 

 

 

In nomine Iesuchristi. Amen. Hec est quedam particula cuiusdam testamenti conditi per infrascriptam d.nam Rocciolam. Cuius tenor talis est: In nomine Iesuchristi. Amen. Anno eiusdem a nativitate Millesimo trecentesimo quadragesimo octavo, ... Indictione, tempore d.ni Clementis Pape sexti, die VII mensis Augusti. Domina Rocciola, uxor quondam Ser Iohannis Benencase de Eugubio, quarterii S.ti M(artini), per gratiam Iesuchristi mente sana, licet corpore languens, ne de suis bonis post eius obitum aliqua possit oriri discordia, suum testamentum nuncupativum sine scriptis de suis bonis in hunc modum facere procuravit. Imprimis, ipsa domina Rocciola de bonis suis reliquid pro judicio generali sol(idos) quinque ravennatenses. Item, iure institutionis, reliquid fratri Ambroxio, de Ordine Sti. Augustini, suo filio, centum quinquaginta libras den. ravennat., quas CL libr. voluit, iussit et mandavit dari, solvi et distribui per dictum fratrem Ambroxium et Franciscum, eius filios, illis personis et inter illas personas et pro illis causis a dicta testatrice declaratis et specificatis et prout et sicut predicti frater Ambroxius et Franciscus voluerint et declaraverint et specificaverint, et ubi et quando et quomodo et qualiter et prout et sicut ipsi voluerint et eis placuerit, dummodo Conventus loci fratrum S.ti Augustini de prope Eugubium et capitulum et fratres dicti loci de dicta quantitate CL librarum se nullatenus intromettat, seu aliquid de ipsis denariis possit facere. Et quod nullum ius dictis fratribus et conventui dicti loci in dicta quantitate CL libr. raven. acquiratur. In omnibus aliis suis bonis, mobilibus et immobilibus, juribus et actionibus, ubicunque sunt et inveniri poterunt, Franciscum, eius filium, sibi heredem universalem instituit, salvo tamen jure Comunis Eugubii in predictis bonis pro datiis et oneribus dicti Comunis, secundum formam legum municipalium dicti Comunis. Et hanc suam ultimam voluntatem asseruit ipsa esse velle, quam voluit iure testamenti etc.

Actum in Civitate Eugubii, in domo dicti Francisci, presentibus fratre Boniohanne Gratioli, de Ordine dicto, et Cola Orlandutii Petrutii, Bartholo Castellutii Vite et Angiolello Cecchi Armilie, de quarterio S.ti Andree, et Ceccho Petrucoli Laççi, de quarterio S.ti Petri, et Lello Orlandutii Iohannis et Laurentio Sensoli Mauritii de quarterio S.ti Juliani, testibus ad hec vocatis et habitis et a dicta testatrice rogatis, et consentientibus dictis fratre Ambroxio et Francisco, eius filio.

Et Ego Marinus Rubei de Eugubio, imperiali auctoritate notarius, predictis omnibus interfui et rogatus a dicta testatrice scripsi et publicavi. (Signum notarii).