Oblatio Maffei, quond. Villani d.ni Maffey de Eugubio

[10 gennaio 1355]

 

Codex Eugubinus, fol. 58v-59 originale

 

 

 

In nomine Christi. Amen. Anno eiusdem Millesimo Trecentesimo quinquagesimo quinto, Indictione VIII, tempore Sanctissimi Patris nostri et domini Innocentii Pape VI, die X mensis Januarii. Maffeus, natus quondam Villani d.ni Maffey de Egubio et de quarterio S.ti Andree, non vi, non dolo malo, sed ex certa scientia et non per errorem, considerans quia nil est regnare nisi Deo servire, affectans et desiderans anime sue salutem et sub regula et habitu beati Augustini in perpetuum vivere volens, genibus flexis et iunctis manibus, obtulit se inter manus Religiosi viri fratris Petri Peruscini de Eugubio, Prioris loci et conventus fratrum heremitarum S.ti Augustini prope Eugubium, recipienti(s) nomine et vice dicti loci, capituli et conventus predicti, et suis successoribus in hunc modum: Ego Maffeus predictus me offero Deo et beato Augustino et promicto dicto Priori, recipienti ut supra, obedientiam et reverentiam usque ad obitum meum, secundum modum et formam regule beati Augustini, et in perpetuum vivere sub dicta regula. Et predicta juravit ad sancta Dei evangelia, corporaliter tactis scripturis, observare iuxta posse secundum ritum et ordinem regule supradicte. Qui frater Petrus, Prior supradictus, eundem Maffeum inter suas manus benigne in oblatum recepit et admisit, dicens: Ego, frater Petrus, Prior predictus, nomine et vice dicti loci, te Maffeum recipio et accepto in oblatum loci supradicti secundum modum et ordinem in dicta regula contentos.

Actum extra Eugubium, in loco fratrum predictorum, in Capitulo ipsorum fratrum, presentibus dompno Matheo, Rectore ecclesie S.ti Andree, et dompno Paulo Vannis Uguiccionis de Eugubio, testibus ad hec vocatis, habitis et rogatis. * (Signum Notarii)

Et Ego Pace Petrucoli Rossi de Eugubio, Imperiali auctoritate notarius et Judex ordinarius, predicta omnia et singula suprascripta scripssi et publicavi et meum signum rogatns apposui.