Copia particulae testamenti Comitis de Petrorio

[13 marzo 1363]

 

Cod. Eugub., fol. 6v

 

 

 

In nomine Iesu Christi. Amen. Anno eiusdem a nativitate millesimo trecentesimo sexagesimo tertio, Indictione prima, tempore domini Urbani Pape quinti, die XIIII martii. Nobilis vir Petrusfranciscus, filius quondam Coradutii Ugucinelli, Comes de Petrorio, mente et corpore sanus per gratiam Iesu Christi, salvo semper et reservato iure Comunis Eugubii in infrascriptis bonis secundum legum municipalium (sic) dicti Comunis pro censu et aliis oneribus dicti Comunis, considerans inevitabile debitum et attendens quod nil est certius morte et nil incertius est hora mortis, ne de suis bonis post eius obitum aliqua possit oriri discordia, suum testamentum nuncupativum, sine scriptis, de suis bonis in hunc modum facere procuravit. In primis, pro iudicio generalis reliquit solidos decem Rav. Item reliquit loco fratrum Sti. Augustini de prope Eugubium, pro concimine et reparatione ecclesie dicti loci, libras centum R. Item, loco fratrum Minorum de Eugubio pro concimine et reparatione ecclesie dicti loci etc. Item, iure legati, reliquit fratri Guglelmutio Sabatelli de Eugubio libras XX R. Item, d.nam Iohannam et d.nam Mitam, eius filias, sibi heredes instituit in trecentis florenis auri pro qualibet earum. In omnibus aliis suis bonis, mobilibus et immobilibus, iuribus et actionibus, ubicumque sunt et inveniri poterunt, et que sibi spectant et pertinere possent quoquomodo vel iure, Coradum, eius filium, sibi heredem universalem instituit. Et, si contingeret dictum testatorem filios habiturum ex dicta eius uxore, si fuerint masculi, unus vel plures, ipsum et ipsos sibi heredem et heredes instituit una cum dicto Corado. Et si fuerint femine, una vel plures, sibi heredem et heredes instituit pro qualibet earum in trecentis florenis auri. Et si aliqui vel alique sui lilii vel filie, tam nati et nate quam nascituri et nasciture, quandocunque decesserint, vel aliquid decesserit sine filiis legitimis, substituit decedenti dictum Coradum et filios masculos dicti testatoris nascituros. Et si omnes eius filii masculi et femine, natus et nate et nascituri vel nasciture quandocunque decesserint sine liliis legitimis masculis, dummodo in fìliabus hec de masculis non intelligantur, substituit eis et ei sic decedenti, vulgariter et pupillariter et per fidey commissum Iacobum Bigazini, eius fratrem consobrinum, et filios dicti Iacobi masculos. Voluit tamen dictus testator, quod si alique eius filie femine superviverent dicto Corado, vel aliis suis masculis nascituris, quod ipsi vel ipse dotentur de bonis ipsius testatoris et hereditate predicta per filium seu filios suos. Et si dictus Iacobus et filii eius non viverent post mortem ipsorum, voluit et mandavit dictus testator, quod in palatio ipsorum, sito iuxta Castrum Pilli, quidam locus religiosorum fiat ibi et apprehendatur et fiat per fratres loci S.ti Augustini de prope Eugubium, de Ordine heremitarum Sti. Augustini, et capiatur et apprehendatur dictus locus per priorem, qui per tempora erit in dicto loco S.ti Augustini et semper ibi manere debeant fratres dicti Ordinis ad celebrandum ibi divina officia. Quibus fratribus et conventui fratrum, qui moram traxerint in dicto loco et palatio predicto, omnes possessiones et terras et res dicte hereditatis, que tunc temporis dicte substitutionis invenientur et erunt de dicta hereditate, reliquit. Quos fratres et Conventum loci fratrum S.ti Augustini de prope Eugubium et fratres et conventum ibi in dicto loco dicti palatii fiendo morantes et qui ibi morabuntur et divina exercent vel exercebunt ad laudem Iesu Christi crucifixi pro anima ipsius et eius parentum et omnium de domo sua, eisdem Iacobo et filiis dicti Iacobi substituit omni modo, via, et iure quibus melius potuit. Item, priorem fratrum loci S.ti Augustini de prope Eugubium et guardianum loci fratrum S.ti Francisci de Eugubio, qui fuerint per tempora et dominam Monalduciam, uxorem dicti testatoris, et quemlibet eorum in solidum, eius fideicommissarios fecit et instituit et dicti testamenti exequutores.

Et voluit, iussit et mandavit quod omnia legata et relicta ad pias causas solvi non debeant, nec dicti eius fideicommissarii nec heredes dictum Coradum molestare vel inquietare possit ullo modo, nec in bonis ipsius testatoris fieri debeat aliqua molestia infra tempus decem annorum a tempore mortis dicti testatoris. Item d.nam Munaldutiam, eius uxorem, fecit et instituit tutricem filiorum suorum. Actum in loco S.ti Augustini, sito prope Eugubium, presentibus fratre Pacifico Venturelle Bonacursi, fratre Nicolello Vagnecti Piovani, fratre Nicola Symonis Karoncelli, fratre Bartholomeo et fratre Stephano Magistri Bartholi Magistri Christofori, fratre Georgio Angelutii Buti de Eugubio, fratre Iohanne Bartholutii Ianuarii de Callio, fratre Grimaldo Gentilis Bonaiuncte de Visso, fratribus Ordinis sancti Augustini dicti loci, testibus ad hec vocatis et habitis et a dicto testatore rogatis. Sequitur talis public. ut supra.

Et Ego Marinus Rubei de Eugubio, imperiali auctoritate Judex ordinarius atque notarius, predictis omnibus interfui et rogatus a dicto testatore scripsi et publicavi. (Ex )