Mandatum procurationis factum per fratres Conventus Eugubini S.ti Augustini in personam fratris Georgii Angelutii

[22 giugno 1365]

 

Archiv. Commun. Eugub., Busta 56. Orig. membran.

 

 

 

In nomine Ihesuchristi. Amen. Anno eiusdem a nativitate Millesimo Trecentesimo sexagesimo quinto, Indictione tertia, tempore d.ni Urbani Pape quinti, die veneris XXII mensis Junis. Convocato et congregato capitulo et Conventu fratrum heremitarum loci S.ti Augustini de prope Eugubium ad sonum campanelle de mandato Religiosi viri fratris Ieronimi Iacomutii d.ni Mathey de Perusio, prioris dicti loci et fratrum infrascriptorum, sub trasannis dicti loci, in quo quidem Capitulo interfuerunt: ipse frater Ieronimus, prior predictus; frater Iacobus Petrutii Gentilis, subprior; frater Petrus Perusini Ranerii, frater Paulus Luce Iuntarelli, frater Augustinus Pacis Miliani, frater Nicola Symonis Karoncelli, frater Bartholomeus et frater Stephanus Mag. Bartholi Mag. Christofani, frater Petrus Pauli Rigutii, frater Matheus Angelutii Vannis, frater Thadeus Bonacursi Mathey, frater Martinus Angelutii Lucoli, frater Angelus Arcolani Putii et frater Andreas Consoli Abrahe, frater Petrutius Lucoli Franchi, omnes de Eugubio, et frater Jacobus Dati Romani de Canthiana et frater Dionisius Nicolay Lippoli de Gualdo, fratres omnes dicti Ordinis et dicti loci S.ti Augustini de prope Eugubium, qui faciunt totum Capitulum et Conventus dicti loci; ipse prior, cum consensu, presentia et voluntate dictorum fratrum, et ipsi fratres, cum presentia, consensu et voluntate dicti prioris, nomini eorum et vice et nomine Capituli et Conventus dicti loci, omni modo, via et jure, quibus melius potuerunt, fecerunt, ordinaverunt et constituerunt atque creaverunt eorum et dicti Capituli et Conventus ipsius loci, fratrem Georgium Angelutii Buti de Eugubio, fratres de Ordine predicto et dicti loci, presentem et mandatum sponte suscipientem, Syndicum et procuratores etc., ut in praecedenti de anno 1362, per omnia.

Actum sub trasannis dicti loci S.ti Augustini de prope Eugubium, presentibus Ser Francisco Ceccholi Brunelli et Iohanne Ceccholi Maffey de Eugubio, quarterii S. Andree, et Berto Marchetti de Eugubio, quarterii S. Martini, testibus ad hec vocatis et habitis.

Et Ego Marinus Rubei de Eugubio, Imperiali auctoritate etc. predictis omnibus interfui et de hiis rogatus, scripsi et publicavi.