Oblatio Amarellae Iunte et Vannae Salimbenis

[28 settembre 1369]

 

Archivio Commun. Eugub., busta 58, perg. originale

 

 

 

In nomine Christi. Amen. Anno Domini Millesimo Trecentesimo Sexagesimo nono, Indictione VII, tempore d.ni Benedicti Pape XII, die XXVIII mensis Setembris (sic). Noverint universi presens Instrumentum publicum inspecturi, quod Soror Amarella Iunte et Vanna Salimbenis de Eugubio, volentes Deo et beato Augustino perpetuo famulari et desiderantes effici oblate et professe fratrum Ordinis S.ti Augustini de Eugubio, genuflesse (sic) coram fratre Matheo Francisci, Sindico ac etiam Vicario, ut dicitur, fratris Iohannis, prioris dicti loci S.ti Augustini de Eugubio, et etiam Generalis dicti Ordinis fratrum heremitarum S.ti Augustini, vice et nomine ipsius prioris et dicti loci S.ti Augustini de Eugubio, expresse obtulerunt se et earum bona dicto loco et promiserunt dicto fratri Matheo, ut Syndico et Vicario fratris Johannis Marphe, et recipienti nomine prioris generalis dicti Ordinis fratrum heremitarum S.ti Augustini de Eugubio, perpetuo obedientiam et subiectionem, quas oblati et professi dicti Ordinis servare tenentur. Ratificantes et approbantes, et etiam addentes, omnem aliam oblationem, sive professionem per eas factam dicto Ordini, et promiserunt dicto fratri Matheo, recipienti ut supra, dictam oblationem et professionem perpetuo firman et ratam habere et tenere et in nullo contrafacere vel venire per se, vel alium, absque ratione vel causa, sub pena omnium earum bonorum.

Actum extra et prope Civitatem Eugubii, in quadam domo, sive carcere, posita prope Monasterium S.ti Pauli, fines a primo et secundo, vie; a tertio res Massoli Bevenuti; presentibus Paulello Brumacii de Eugubio et quarterio S.ti Petri, Dominico Angelutii et Cola Angelutii, testibus ad hec adhibitis et vocatis.

Et Ego Lucas Putii de Eugubio, Imperiali auctoritate Notarius et Judex ordinarius, predictis omnibus interfui. Rogatus scripsi, publicavi et meum singnum (sic) apposui. (Signum Notarii).