Fr. Martinus Angelutii Lucoli de Eugubio, Sindicus Conv. Fratrum Eremitarum S. Augustini de Eugubio, concessit ad laboritium Vanni Bene Hercolani unum podere cum vinea, etc. positum in villa Carestelli

[23 marzo 1369]

 

Ex Cod. Eugub., fol. 60. Orig.

 

 

 

In nomine Ihesu Christi. Amen. Anno eiusdem a nativitate Millesimo Trecentesimo sexagesimo nono, indictione VII, tempore D.ni Urbani Pape Quinti, die XXIII mensis Martii. Frater Martinus Angelutii Lucoli de Eugubio, de ordine fratrum heremitarum S.ti Augustini, syndicus et procurator loci S.ti Augustini de Eugubio et capituli et conventus ipsius ad infrascripta constitutus, ut patet manu mea Notarii infrascripti, syndicario et procuratorio nomine dicti loci et capituli et conventus ipsius loci, dedit et concessit ad laboritium Vanni Bene Hercolani, de villa S.ti Cipriani, comitatus Eugubii, presenti et recipienti pro se et suis heredibus, unum podere cum vinea, terris cultis et incultis, silvatis et sodis, pertinentem dicto loco et capitulo et conventui dicti loci, positum in comitatu Eugubii, in villa Carestelli iuxta vias et heredes Benencase Ceccholi et D.nam Vannam D.ni Bini et rem filiorum Cecchole et rem Andrutii Philiputii et rem Margarite Petrutii Lullii; hinc ad quinqne annos proxime venturos. Ad habendum, tenendum et laborandum et meliorandum; promictens dictus Syndicus, nomine quo supra, eidem laboratori, presenti et stipulanti ut supra, dictum podere et terras et vineam eidem sbrigare contra omnem personam, collegium et univensitatem. Et hec fecit et promisit dictus locator, quia dictus conductor promisit per se et suos heredes dicto Syndico, presenti et stipulanti ut supra, vineam et terras dicti poderis bene et fìdeliter laborare et cultivare, seminare et fructus recoligere per dictum tempus, quolibet anno, temporibus congruis. Et quolibet anno dictorum V annorum desodare et laborare tantum terrenum sodum de dicto poderi per unam minam et mediam seminis, vel quod in ipso possit seminari una mina et media seminis. Et dare et aportare Eugubium, ad dictum locum, medietatem omnium fructuum percipiendorum de duobus campis, et de campo qui vocatur "lo pagino", et vinee et olivarum, quolibet anno dictorum V annorum. Et tertiam partem omnium fructuum percipiendorum ex aliis terris laborativis, quolibet anno dictorum V annorum. Et etiam dare et aportare quantam partem omnium fructuum percipiendorum ex terreno quod desodaverit primo anno. Et post dictum annum, tertiam partem fructuum percipiendorum ex dicto terreno desodato per eum, per tempus duorum annorum. Et post dictos tres annos, teneatur et promisit respondere de fructibus terreni desodandi per eum medietatem omnium fructuum percipiendorum ex ipso terreno.

Et etiam promisit tenere omnes porcos cum fratribus per dictum tempus, et maxime duos porcos et unam cinochactam (sic) quolibet anno cum dictis fratribus, qui porci et cinochacta emantur communibus denariis. Et quolibet anno, in festo S.ti Andree, ipsos porcos readsingnare et partire per medietatem, sine malitia, et dare licentiam fratribus accipiendi quam partem maluerint. Et nullam bestiam debeat retinere promisit nisi suas, videlicet minutas, vel sine licentia fratrum. Et promisit arbores a pede non incidere, sed pro sua vita possit lingnare sine dampno. Promictens etiam, nomine quo supra, eidem Syndico, recipienti nomine quo supra, dictum podere et paleas cum paleari fratribus et conventui predictis in fine dicti temporis readsingnare liberum et expeditum. Quae omnia et syngula suprascripta et infrascripta promiserunt inter se, vicissim, dicte partes, scilicet, locator et conductor, videlicet, una pars alteri et altera alteri, ad invicem, solempnibus stipulationibus, hinc inde intervenientibus, firma et rata habere et tenere, adtendere et observare, et in nullo non contravenire vel facere, per se vel alium, aliqua occasione, ratione vel causa, de iure vel de facto, sub pena L. librar. R., stipulatione hinc inde in solidum promissa, et refectione dampnorum et expensarum litis et extra, que vel quas unus culpa alterius fecerit vel substinuerit. Pro quibus omnibus et syngulis supradictis firmiter observandis et adimplendis, dictus Syndicus, nomine quo supra, obligavit dicto conductori presenti omnia bona dicti loci; et dictus conductor obligavit dicto Syndico, presenti et recipienti nomine quo supra, omnia sua bona, presentia et futura.

Actum in dicto loco, in refectorio dicti loci, presentibus Salimbene Pucciali, Bonaiunte et Matheo Putii Brunelli, quarterii S. A., et Petrutio Angelutii Andruccioli de villa Carestelli, testibus ad hec vocatis et habitis.

Et Ego Marinus Rubei de Eugubio, imperiali auctoritate Iudex ordinarius atque Notarius, predictis intenfui et de hiis rogatus subscripsi et publicavi. Signum Notarii.