Oblatio Bartoli Tinoli Amate

[19 maggio 1369]

 

Ex Cod. Eugub., fol. 60v

 

 

 

In nomine Christi. Amen. Anno Domini Millesimo Trecentesimo Sexagesimo nono, Indictione septima, tempore d.ni Urbani pape quinti, die XVIIII mensis maii. Bartolus Tinoli Amate, de villa S.ti Christofani de Sasso, Comitatus Eugubii, non vi, non dolo malo et non per errorem sed ex certa scientia, considerans quia nil est rengnare (sic), nisi Deo servire, affectans et desiderans anime sue salutem et sub regula et observantia beati Augustini in perpetuum vivere volens, genibus flexis et iunctis manibus, obtulit se et ipsum totum inter manus religiosi viri fratris Iohannis Udurighelli de Eugubio, prioris loci et conventus fratrum heremitarum S.ti Augustini prope Eugubium, recipienti(s) nomine et vice dicti loci, capituli et conventus predicti et suorum successorum, in hunc modum: Ego Bartolus predictus me offero Deo et beato Augustino et promicto dicto priori, presenti et recipienti ut supra, obedientiam et reverentiam usque ad obitum meum, secundum modum et formam beati Augustini regule, et vivere sub dicta regula. Qui frater Iohannes, prior predictus, eundem Bartolum inter manus suas benigne in oblatum recepit et admisit, dicens: Ego frater Johannes, prior predictus, nomine et vice dicti loci, capituli et conventus, te Bartolum recipio et adcepto (sic) in oblatum loci supradicti, secundum modum et ordinem in dicta regula contentos.

Acta fuerunt predicta extra Eugubium, in loco fratrum Sti. Augustini, ante Capitulum dicti loci, presentibus fratre Petro Balduccioli ... priore hospitalis S.ti Spiritus de Eugubio, Bartolutio Manni Johannoli et Mathiolo Ghelfoli Venturelle de Eugubio, testibus ad hec habitis, vocatis et rogatis.

Et Ego Severinus Baldelli de Eugubio, Imperiali auctoritate notarius et Iudex ordinarius, predictis omnibus presens interfui rogatus, scripsi et publicavi et meum singnum consuetum apposui. (Signum notarii)