Mandatum procurationis factum per fratres Conventus Eugubini S. ti Augustini fratri Paulo Luce Iontarelli

[19 giugno 1369]

 

Archivio Commun. Eugub., busta 58, perg. originale

 

 

 

In nomine Ihesuchristi. Amen. Anno eiusdem a nativitate Millesimo Trecentesimo sexagesimo nono, Indictione VII, tempore d.ni Urbani Pape V, die XVIIII mensis Junii. Convocato et congregato Capitulo et Conventu fratrum heremitarum loci S.ti Augustini de prope Eugubium, de Ordine heremitarum S.ti Augustini, de mandato religiosi viri fratris Iohannis Udurighelli Dangeli de Eugubio, prioris dicti loci, ad sonum campanelle, in Capitulo, ut moris est; in quo Capitulo et conventu interfuerunt ipse frater Iohannes, prior dicti loci, et frater Petrus Perusini Ranerii, frater Nicola Symonis Baroncelli, frater Paulus Luce Iontarelli, frater Iacobus Petrutii Gentilis, frater Stephanus Magistri Bartholi Magistri Christofani, frater Petrutius Lucoli Franchi, frater Ugutio Fiordi, frater Nicolaus Ceccholi Putii, frater Dominicus Ceccholi Bonamesere, frater Iacobus Ser Dati Romani, frater Gabriel Mei Bartholelli, frater Elimosina Bertinolli Pregadio, (frater) Martinus Angelutii Lucoli, frater Angelus Hercolani Putii, frater Ventura Pauli et frater Bernandus Lelli Nepolutii de Pergula, presbiter, frater Iulianus And(ree) Mancini, presbiter, de Eugubio; fratres dicti loci Ordinis heremitarum S.ti Augustini, qui faciunt totum Capitulum et Conventum dicti loci.

Qui prior, cum consensu, presentia et voluntate dictorum fratrum, et ipsi fratres, cum auctoritate, presentia et consensu, licentia et voluntate dicti prioris, eorum nomine et cuiuslibet eorum et vice et nomine dicti Conventus dicti loci, omni modo, via et jure, quibus melius potuerunt, fecerunt, constituerunt, ordinaverunt atque creaverunt fratrem Paulum Luce Iontarelli de Eugubio, presentem et sponte mandatum acceptantem et suscipientem, eorum et cuiuslibet eorum et dicti Capituli et Conventus ipsius loci, Syndicum et procuratorem, actorem, factorem, negotiorum gestorem et certum numptium specialem. Specialiter ad comparendum coram d.no Abbate et Monacis Monasterii S.ti Petri de Eugubio et ad solvendum, dandum et tradendum dictis d.no Abbati et Monacis censum, sive canonem, mentionem seu pensionem totius terreni vineati et invineati positi in pede Montis Goregii etc. Et generaliter ad omnia alia et singula facienda, gerenda et exercenda, que in predictis et quobet predictorum erunt utilia, necessaria et opportuna etc.

Actum in dicto loci S.ti Augustini de Eugubio, in Capitulo ipsius loci, presentibus Vanne Ceccholi Vite de Castro Collifrazarii et Mathiolo Dominici Massoli de Villa kanonis, Comitatus Eugubii, testibus ad hec habitis, vocatis et rogatis.

Et Ego Marinus Rubei de Eugubio, imperiali auctoritate notarius et Judex ordinarius, predictis omnibus interfui et de hiis rogatus scripsi et publicavi.