Locatio ad laboritium unius vineae Conventus positae in Villa Montis Leti

[24 febbraio 1371]

 

Ex Cod. Eugub., fol. 61v

 

 

 

In nomine Ihesu Christi. Amen. Anno eiusdem a nativitate millesimo trecentesimo septuagesimo, indict. VIII, tempore d.ni Urbani pape quinti, die XXIIII mensis februarii. Fr. Martinus Angelutii Lucoli de Eugubio, de Ordine heremitarum S.ti Augustini, Syndicus et procurator loci S.ti Augustini de prope Eugubium et fratrum heremitarum et Capituli et conventus dicti loci ad infrascripta constitutus, ut patet manu mei Notarii infrascripti, syndicario et procuratorio nomine dicti loci et fratrum et capituli et conventus dicti loci, dedit et locavit ad laboritium Vanni Ceccholi Guidi de Villa Loreti, Comunitatis Eugubii, presenti et stipulanti, unam vineam positam in Communitate Eugubii, in villa Montis Leti (sic), Communitatis Eugubii, fines cuius: a primo via, et a secundo res Hospitalis S.te Marie de Misericordia et Bontius Vannis et heredes Francisci Mathioli in cellis; et a tertio res Canonice S.ti Mariani; et a quarto Thavianus Mascioli et filii Baroni. Item, unam vineam positam in dicta villa, in vocabubo Lavalle, fines cuius, a duobus, vie, et a tertio Vannes Mascioli, et a quarto Gabria Amodei. Hinc ad quinque annos proxime venturos. Promictens dictus Syndicus, nomine quo supra, dictas vineas eidem conductori non reauferre hinc ad dictum tempus, sed legit(im)e defendere et guarentare contra omnem personam.

Et hoc fecit dictus Syndicus, nomine quo supra, dicto conductori pro eo quia dictus Vannes laborator promisit et convenit dicto Syndico, locatori, presenti et stipulanti nomine quo supra, dictas vineas et quamlibet earum bene et fideliter laborare et cultivare, putare, ficcare, sappare, occhare, et de ipsis vineis et qualibet earum fructus recoligere quolibet anno tempore congruo, per dictum tempus quinque annorum. Et dare et apportare et aportari facere quolibet anno, tempore congruo, dictorum quinque annorum ad dictum locum medietatem omnium fructuum percipiendorum ex dictis vineis et qualibet earum. Et etiam promisit et convenit dicto Syndico, locatori, presenti etc., facere et fieri facere in dictis vineis in quatuor annis, quolibet anno dictorum quatuor annorum, centum fossas, ubi fuerint magis utiles et necessarie, et sciartare et attare sepes dictarum vinearum, tempore congruo, si fuerit necesse quolibet anno. Et omnes sepes et omnes muros dictarum vinearum manutenere in bono statu per dictum tempus V annorum. In fine vero dicti temporis laboritii promisit dictus conductor locatori, presenti etc. dictas vineas et quamlibet earum cum sepis et muris bene actatis et in bono statu positis et factis suis sumptibus et expensis, liberas et expeditas readsingnare et relapsare. Que omnia et singula infrascripta et inserta etc. Et hoc presente, volente et consentiente fratre Iohanne de Foce, priore dicti loci, et pluribus aliis fratribus dicti loci, etc.

Actum in dicto loco S.ti Augustini de prope Eugubium, in forestaria dicti loci, presentibus Petrutio Angelutii Adruccioli de Carestello et Baldo Mathioli Angeli, quarterii S. Andree, testibus etc. Ego Marinus Rubei de Eugubio, Imp. auct. Notarius etc.