Concessio unius cellae fratri Paulutio Bartholutii de Eugubio

[25 giugno 1371]

 

Ex Cod. Eugub., fol. 63

 

 

 

In nomine Ihesuchristi. Amen. Anno eiusdem a nativitate M CCC LXXI, die XXV Junii. Congregatis fratribus conventualibus et non conventualibus loci S.ti Augustini de prope Eugubium in forestaria dicti loci de mandato et voluntate fratris Iohannis Butii de Clausera, prioris dicti loci. In qua congregatione interfuerunt frater Iohannes ipse, prior; frater Iohannes de Foce de Eugubio, prior Reatinus; frater Petrus Perusini; frater Matheus, subprior; frater Guilielmutius Sabatelli; frater Leonardus Andrioli; frater Iacobus Petrutii; frater Bartholomeus et frater Stephanus Mag. Bartholi; frater Iacobus Dati; frater Thadeus Bonacursi; frater Dominicus Ceccholi; frater Petrutius Lucoli; frater Angelus Cole, Sacerdotes, et frater Lemosina Benetelli; frater Augustinellus de Cantiane; frater Rodulfutius de Petralunga et frater Francischus Cecchi, Scolares, et frater Martinus Angelutii; frater Angelus Arcolani et frater Ventura Pauli, layci; ipse prior una cum dictis fratribus et de eorum presentia, consensu et voluntate, et dicti fratres una cum dicto priore et de eius presentia, consensu, voluntate et auctoritate, volente(s) providere et remunerare fratri Paulutio Bartholutii de Eugubio, qui noviter in Capitulo generali facto Florentie creatus fuit Lector, qui substinuit multos labores, vigilias, algores et calores, nuditatem et astinentias causa adiscendi et honorandi locum de Eugubio et suam personam, unanimiter et concorditer, apensate et deliberate, eorum nomine et vice et nomine eorum successorum, dederunt et concesserunt eidem fratri Paulutio, lectori, cellam, que fuit olim fratris Pacifici, que sita est in dormitorio ex parte orientis et juxta vineas dicti loci, in vita ipsius fratris Paulutii, qua cella ipse frater Paulutius, lector, possit et sibi liceat uti et frui in vita ipsius.

Et hec omnia etiam fecerunt pro tribus florenis auri, quos ipsi fratres pro conventu predicto fuerunt confessi habuisse et recepisse a dicto fratre Paulutio, lectore; que quantitas dictorum florenorum fuit expensa in utilitate ac etiam in infirmitate ipsius fratris Paulutii, pro medico tantum.

Ego Marinus Rubei, notarius publicus et notarius dicti loci, de licentia et mandato dicti prioris subscripsi.