Testamentum Mascii Hostii de Eugubio

[15 dicembre 1391]

 

Codex Eugubinus, fol. 71, interclusum in alio instrumento facto a Georgio Ser Mathiutii Ser Marini de Eug. notario, sub anno domini 1391

 

 

 

In nomine Domini. Amen. Anno eius a nativitate M CCC XLI, Indictione VIIII, tempore d.ni Benedicti Pape XII, die XV mensis decembris. Eugubii, in domo infrascripti Masscii, testatoris, presentibus Nicolutio Gentilutii de Gualdo, Gilio Ugolinelli, Ruççolo Venture, Santutio Venturelle, Marcho Iuntoli, Cecholo Andrutii, Bertolello Santutii, de quarterio S.ti Petri et Pucino Francissci, testibus ad hec habitis et ab infrascripto testatore rogatis. Masscius Hostii de Eugubio, quarterii Sti. Petri, licet infirmus, corpore tamen Dei gratia sanus et compos mente, inevitabile mortis periculum timens, testamentum nuncupativum sine scriptis de suis bonis in hunc modum facerc disposuit. Imprimis quidem pro anima sua et suorum parentum reliquit de suis bonis dari pro judicio generali soldos quinque Rav. Item reliquit restitui domine Tadiole Mannetoli, sue uxori, dotes suas, quas pro ea habuit a Mannetolo, eius patre, que fuerunt quatringente libr. den. Rav., manu Ser Vannis Butii, notarii. Item reliquit eidem d.ne Tadiole de suis bonis, ultra dictas dotes, libras quinquaginta Rav. Item reliquit Nicolelle, eius filie naturali, medium unius poderis et possessionis, que habet pro indiviso cum domina Andriola sorore ipsius testatoris, site in curia portularum et in villa vallis Marchule, quas emerunt a Berardo Cionoli et fratrum manu mei Butii, notarii. Et si ipsa quandocunque decesserit sine filiis legitimis, ipsa bona deveniant in filios massculos Cionoli Pelloli et Piche Andrutii Nicolutii pro equali parte. Item reliquit domine Andriole Hostii, eius sorori, quoddam suum podere et possessionem, que habet in villa Ansciani et villa montis bertii, fines ipsius: a primo via, sive foce Thiani; a secundo Landolus Ricci et heredes Baldelli Bertoli; a tertio Butius Aiutoli et a quarto res ecclesie S.ti Felicismi et ecclesie S.te Crucis, donec ipsa visserit, et post eius obitum dicte domine deveniant dicte res in Nicolellum Cole, filium dicte domine, si supervisserit; et si non supervisserit, deveniant in d.num Francisschum (a) si supervisserit. Et si non supervisserit reliquit dictas res loco fratrum S.ti Augustini pro quadam capella construeuda et edificanda in dicta ecclesia ad honorem Dei et sue matris Virginis Marie et beatorum Augustini, Iohannis et Nicole de Tolentino. Item reliquit de fructibus dicti poderis et dictarum rerum Sorori Mathye Hostii, moniali S.ti Iacopi, pro suis necessitatibus, quolibet anno, quatuor staria boni grani. Item iussit et mandavit expendi in sepultura et ipsam sepulturam suam secundum formam Statuti et non aliter et contra formam statuti.

In omnibus aliis suis bonis mobilibus et immobilibus, iuribus et actionibus, ubicunque sunt et inveniri possunt et poterunt, d.num Lellum et d.num Iacopum d.ni Conti de Gabriellibus et Andrutium Angeli sive Rustichelle et Magistrum Ugonnium Angeli de Eugubio sibi heredes uinersales instituit, dummodo dicta hereditas et institutio non transeat in filios dictorum heredum et filiis ipsorum heredum nullum ius acquiratur pretextu ipsius institutionis, et dicta hereditate et bonis uti debeant et ipsam hereditatem et bona administrare debeant semper cum consensu et voluntate et ad sensum et voluntatem d.ni Francissci Hostii et prout eidem placuerit. Et si aliquis dictorum heredum administrationi dicte hereditatis interesse non possit, aliis administrare ipsam hereditatem et bona, semper ad sensum et voluntatem dicti domini Francissci, et prout sibi placuerit, quem suum et dicti testamenti executorem et fideicommissarium reliquit et fecit, dans et concedens eidem plenam potestatem administrandi dictam hereditatem et bona ad suum sensum et omnia faciendi de ipsis, que ipse testator, si tunc viveret, facere posset.

Iubens et mandans propter ipsam admnistrationem et bayliam sibi concessam nullum ius acquiratur Ordini, in quo professionem fecit vel alicui ecclesie. Et hec est sua ultima voluntas, quam, valere vult jure testamenti, et si jure testamenti non valeret, valeat jure codicillorum sive donationis causa mortis vel alterius ultime voluntatis, qua melius valere potest.

Et Ego Butius Paulutii de Eugubio, Imperiali auctoritate Iudex ordinarius et notarius publicus, predictis omnibus suprascriptis interfui et ea rogatus scripsi et publicavi.

 

 

(a) Questo Dominus Francischus dovrebbe essere "Fr. Franciscus Oscii de Augubio O. Er. S. A.", an. 1331, die 4 decembris, a Ioanne Papa XXII factus Episcopus Clvitatis Castellanae, qui illam ecclesiam rexit usque ad annum 1348, quo obiit. Perperam eum dicunt "Onii" omnes scriptores, ab Ughelli ad Lanteri, et etiam ad Eubel, qui postquam in egregio suo opere "Hierarchia Catholica Medii Aevi", t. I, p. 190, scripserat, "Franciscus Oscii", sicut ipse legerat et est scriptum in Reg. Ioan. XXII, Vat. 103, ep. 9, aliorum praefatorum scriptorum auctoritate tractus, infra parenthesim, adiunxit "Onii".