Examinatio fratrum

[8 marzo 1391]

 

Ex Cod. Eugub., fol. 69-73

 

 

Examinatio Fratris Leonardi de Eugubio

Fol. 72v

In nomine Domini, Amen. Die VIII mensis martii, constitutus Fr. Leonardus de Eugubio, frater loci S.ti Agustini de Eugubio, coram me Anthonio, Notario infrascripto, ex commissione mihi facta per Rev. Patrem D.num Iulianum, Abbatem Monast. S.ti Petri de Eugubio, generalem Vicarium Rev. in Christo Patris et Domini D.ni Beltrandi, Dei gratia Episcopi Eugubini, per appositionem manus supra pectum suum, iuravit ferre testimonium veritati super Capitulis coram dicto D.no Vicario productis per Ser Paceptum Galvanelli de Eugubio, syndicum et procuratorem Fratrum, capituli et conventus loci predicti, de quibus supra patet, remotis hodio, prece, pretio et omni humana gratia. Eodem die. Qui frater Leonardus, testis predictus, iuratus ut supra patet, interrogatus, receptus et examinatus super dictis capitulis eidem testi primo lectis et vulgari sermone expositis diligenter de verbo ad verbum, ad ipsius testis plenam intelligentiam, per me, Notarium infrascriptum, ex commissione mihi facta per suprascriptum D.num Vicarium. Et primo, super secundo capitulo, quod incipit: Item, quod dictus Masscius, etc., suo iuramento, testificando, dixit quod Masscius in dicto capitulo nominatus decessit iam sunt XLV anni et ultra. Interrogatus quomodo scit, dixit quod suum corpus ecclesiastice tradid(it) sepulture et presens fuit.

Item, interrogatus, receptus et examinatus super tertio capitulo, quod incipit: Item, quod dictus Nicolellus decessit etc., suo iuramento testificando, dixit quod Nicolellus, de quo mentio fit in dicto Capitulo, decessit iam sunt XL anni et ultra. Interrogatus quomodo scit, dixit quod vidit et presens fuit, dum ipsius Nicolelli corpus ad ecclesiasticam sepulturam portabatur. Item, interrogatus, receptus et examinatus super sexto capitulo, quod incipit: Item, quod D.nus. Francischus decessit etc., suo iuramento testificando, dixit quod D.nus Francischus in capitulo predicto nominatus decessit iam sunt XL anni et ultra. Interrogatus quomodo scit, dixit quod vidit eius corpus ad ecclesiam portari ad sepeliendum. Interrogatus si idem D.nus Francischus decessit supervivente sibi D.na Andriola, de qua fit mentio in VII capitulo, dixit quod sic. Interrogatus quomodo scit, dixit quod cognovit dictam D.nam Andriolam post mortem dicti D.ni Francissci, vidit pluries ipsam Dominam (fol. 72).

Item, interrogatus, receptus et examinatus super ultimo capitulo de fama, suo iuramento testificando, dixit quod de testificatis per eum est publica vox et fama. Interrogatus quomodo scit, dixit: quia publice dicitur. Interrogatus quid est publica vox et fama, dixit: Id quod publice per maiorem partem gentium dicitur. Interrogatus ubi est dicta publica vox et fama, dixit: In Civitate Eugubii et in convicinia olim predictorum defunctorum. Interrogatus si predicta dixit et testificatus fuit hodio, amore, prece, pretio et aliqua humana gratia, dixit quod non, sed pro veritate tantum.

 

Examinatio Putii Rentii de Eugubio

Eodem die. Putius Rentii, testis iuratus, ut aupra patet, interrogatus, receptus et examinatus super dictis capitulis et contentis in eis, eidem testi primo lectis et vulgari sermone expositis diligenter de verbo ad verbum, ad ipsius testis plenam intelligentiam, per me Notarium infrascriptum, ex commissione mihi facta per dictum D.num Vicarium, et primo super secundo capitulo, quod incipit: Item, quod dictus Masscius etc., suo iuramento testificando dixit, quod Masscius in dicto capitulo nominatus decessit iam sunt XL anni et ultra. Interrogatus quomodo scit, dixit quod ipse testis interfuit sepulture dicti Massci.

Item, interrogatus, receptus et examinatus super sexto capitulo, quod incipit: Item, quod D.nus Francischus decessit etc., suo iuramento testificando dixit, quod D.nus Francischus, de quo fit mentio in dicto capitulo, decessit iam sunt XL anni et ultra. Interrogatus quomodo scit, dixit quod interfuit dum ipsius corpus traditum fuit ecclesiastice sepulture. Item, interrogatus, receptus et examinatus super ultimo capitulo de fama, suo iuramento testifìcando dixit, quod de testificatis per eum est et fuit publica vox et fama. Interrogatus quomodo scit, dixit quod publice audivit dici. Interrogatus quid est publica vox et fama, dixit: Id quod publice dicitur per maiorem partem gentium. Interrogatus ubi est et fuit dicta publica vox et fama, dixit: In Civitate Eugubii et in convicinia domorum olim dictorum defunctorum. Interrogatus si predicta per eum testificata ... dixit odio, amore, prece, pretio vel alia humana gratia, dixit quod non sed pro veritate tantum.

 

Examinatio Francissci Massci testis

Eodem die. Franciscus Massci, testis, iuratus ut supra patet, interrogatus, receptus et examinatus super dictis capitulis etc. ut supra. Et primo super VI capitulo, quod incipit: Item, quod D.nus Francischus decessit etc., suo iuramento testificando dixit, quod D.nus Francisschus in dicto capitulo nominatus decessit iam sunt xxx anni et ultra. Interrogatus quomodo scit, dixit quod vidit et presens fuit dum ipsius D.ni Francissci corpus traditum fuit ecclesiastice sepulture. Item, interrogatus etc., super ultimo capitulo de fama, suo iuramento testificando dixit, quod de testificatis per eum est et fuit publica vox et fama. Interrogatus quid est publica vox et fama, dixit: Id quod dicitur publice per maiorem partem gentium. Interrogatus ubi est dicta publica vox et fama, dixit: in Civitate Eugubii et in convicinia olim dicti defuncti. Interrogatus si predicta per eum testificata dixit hodio, amore, prece, pretio vel timore, dixit quod non, sed pro veritate tantum.

 

Examinatio D.ne Livatelle Abbatiss. testis

Fol. 73

Eodem die. D.na Livatella, Abbatissa, testis iurat. ut supra, etc. Interrogata etc., ut supra. Et primo, super secundo capitulo, quod incipit: Item quod dictus Masscius etc., suo iuramento testificando dixit quod Masscius in dicto capitulo nominatus decessit iam sunt XL anni et ultra.

Interrogata quomodo scit, dixit quod vidit et presens fuit dum corpus dicti Massci traditum fuit ecclesiastice sepulture (fol. 72v). Item interrogata etc., super tertio capitulo, quod incipit: Item, quod dictus Nicolellus decessit etc., suo iuramento testificando dixit quod Nicolellus de quo fit mentio in dicto capitulo, decessit iam sunt XL anni et ultra. Interrogata quomodo scit, dixit quod interfuit sepulture, dum ipsius Nicolelli corpus ibi traditum fuit. Item, interrogata etc., super VI capitulo, quod D.nus Francisschus decessit etc., suo iuramento testificando dixit: quod D.nus Francisschus in capitulo nominatus decessit iam sunt XXXV anni et ultra. Interrogata quomodo scit, dixit quod vidit ipsius corpus ad ecclesiam portari ad sepelliendum. Item, interrogata etc., super VII capitulo, quod incipit: Item, quod decessit relicta etc., suo iuramento testificando dixit: se tantum scire de contentis in dicto capitulo, videlicet, quod post mortem dicti D.ni Francissci vidit pluries D.nam Andriolam, de qua fit mentio in dicto capitulo et eam cognovit et sibi locuta fuit post mortem D.ni Francissci prefati.

Item, interrogata etc., super ultimo capitulo de fama, suo iuramento testificando dixit, quod de testificatis per eam est et fuit publica vox et fama etc., ut supra in praecedentibus. Interrogati, recepti et examinati fuerunt suprascripti testes et quilibet eorum per me Anthonium, Notarium supra et infra scriptum in loco fratrum S.ti Agustini de extra et prope portam S. Augustini Civit. Eugub., subtus porticum et ante portam ecclesie dicti loci sub annis D.ni Millesimo CCC LXXXXI, indict. XIIII, tempore D.ni Bonifatii Pap. VIII, die et mense suprascriptis.

Et Ego Anthonius Ser Cecchi Bonoli de Eugubio, publicus imperiali auctoritate Not. et Iudex ordinarius etc., etc., ut supra.