Venditio unius tenimenti domorum cum claustro facta per Pauloceum Porcelli Rigii, uxorem ol. Cecchi Paglie (patres B. Francisci de Eugubio)

[18 settembre 1391]

 

Archivio Commun. Eugub., busta 60, perg. originale

 

 

 

In nomine Domini. Amen. Anno Domini Millesimo Tercentesimo nonagesimo primo, Indictione VIIII, tempore d.ni Bonifatii Pape noni, die XVIIII mensis Septembris. Actum Eugubii, in domo Ser Mathey Iohannis Andree, presentibus d.no Ser Matheo Iohannis Andree et Petrutio Negri, consulibus de Eugubio, testibus ad hec habitis, vocatis et rogatis et mihi, notario infrascripto, notis et asserentibus se cognoscere contrahentes infrascriptos. Pauloceus Porcelli Rigii de Eugubio et quarterio S. Iuliani, et D.na Cecilia, filia quondam Porcelli Rigii et uxor olim Cecchi Paglie, de dicto loco, et quolibet eorum, dicentes, asserentes et affirmantes se habere jus in infrascriptis rebus et eis licere et licitum esse facere venditionem infrascriptam ... dederunt, vendiderunt, tradiderunt et concesserunt Petrutio Baldelli Benvenuti de Eugubio et quarterio S.ti Petri ... unum tenimentum domorum cum claustro contiguo dictis domibus, positum in Civitate Eugubii, in quarterio S.ti Petri, fines quorum a duobus lateribus vicum; ab alio, res Archangeli Luce, cum muro comuni; ab alio res Francisci Angelutii, alias Capanna; et ab alio, res Iohannis Capti, cum muro dicti claustri communi, et cum androna existente inter dictam rem et domum dicti Iohannis communi ... pro pretio et nomine pretii Centum viginti quatuor florenorum auri etc.

Et Ego Filippus Mathioli Coradutii de Eugubio, publicus Imperiali auctoritate notarius et Judex ordinarius, predictis omnibus et singulis supradictis presens interfui, et de hiis rogatus, scripsi et publicavi et meo signo signavi.

(Signum notarii).